剛剛11月頭H&M x Versace開售先搞到滿城風雨，話說嗰日出街都見到不少人都拎住大大袋嘅戰利品，令到無時間去排隊嘅我口水直流。對於H&M體貼嘅CORSSOVER一直都好欣賞，確實令大家用到親切嘅價錢買到靚嘢，如果冇咗H&M，相信好多人一世都未必捨得買一件VERSACE。

估唔到11月都未過又再宣佈下一個CROSSOVER嘅新目標 － MARNI。

MARNI以斑爛獨特的圖案和大膽創新見稱，男的簡約休閒，女的鮮艷PLAYFUL，品牌創辦人兼創意總監Consuelo Castiglioni表示：「一如以往，我最愛把不同的圖案和顏色放在一起。現代的民族風格混合巴豪斯圖案，加以運動的功能性元素。」

H&M另一個體貼之處就係吊頸都會俾你透下氣，下年2012年3月8日起先喺全球約260間分店和網上發售，粉絲們又要儲定錢喇！