[以年計的熱戀期]表弟盧鎮業的愛情保鮮法:進入對方嘅世界

Dumb Youth旗下顏值最高盧鎮業和梁曉豐(Anjo),外表和內心一樣細膩,口裏說不愛情人節,身體卻很誠實,為了女朋友,大家都廿四孝男友上身。


盧鎮業(小野)憑《幸福的旁邊》表弟一角被稱為文青界男神,「男神」也許周街都係,但「文青」他就真的當之無愧,講到和女朋友最常做的事,他表示:「去圖書館睇書。」沒有聽錯,是圖書館,不是書局。

盧鎮業 小野


有人說愛情的熱戀期只有三個月,但小野每次拍拖的熱戀期會都以年計,「最重要係搵個啱嘅人」。

唔拍點知啱?

「所以都係撞手神,撞啱咗。」

盧鎮業 小野


盧鎮業 小野
▲「了解佢有咩需要,進入對方嘅世界。」這是小野的愛情保鮮法。


小野不認為情人節是特別的節日:「最好唔使過!」話雖如此,其實他亦頗有心思。

「往年會煮飯畀女朋友食,或者一齊煮,因為避開啲情人節大餐。」

在女朋友剛過去的生日,他就表示有親手整蛋糕及買禮物:「之前兩年都冇乜準備,今年拍拖第三年,係時候找數。」

盧鎮業 小野


「Love」,不是動詞,是名詞

Anjo和小野的愛情觀有點相似。

「「以前以為自己冇要求,但係付出完原來自己係有要求嘅,但係依家明白咗,你give,就係love。」

梁曉豐


維繫愛情之道,是學會相處,Anjo說:「自己有耐性咗,唔再咁自我中心。當『Love』唔係動詞,變成係名詞,成件事係好好多」



很多人無論工作多忙,都要抽空慶祝情人節,而Anjo亦決定成人之美:「好多人星期一至五要工作,冇時間陪另一半,對佢哋嚟講情人節就可以多個時間見面,咁失我依個啲唔係regular時間返工嘅人,就盡量避開rush hour,唔好霸咗人啲時間。」

梁曉豐
▲女友住港島,Anjo住新界,在同一城市裏的Long Distance。不過,無論多遠,Anjo都會送女友回家,爭取更多見面時間。

兩個人平時的相處sweet,才是真的sweet,所謂有心思的禮物,對Anjo來說更多只為自我滿足:「之前都有同女朋友特登整的相簿,但係諗番,其實係為咗滿足自己,多過件事有幾sweet。」


「我真係day day都係情人節。」

Anjo說。

Photo by 蘇劍豪@東十八
Make up by Soie Yip
Stylist by Sanders雨可

<延伸閱讀>[女友的視點...]林耀聲情人節最愛煮飯仔

<延伸閱讀>伸出禮儀之腿!長腿OPPA們風度腿的品格

YOU MAY ALSO LIKE