有家底先好選港姐?冠軍雷莊𠒇爸爸係香港十大設計師 身家過億!

高恩 photos credit:instagram,東方IC

《2017香港小姐競選》唔似上4年咁玩全民投票,而係由在場嘅評判投票決定,票數打和則由Do姐鄭裕玲做最終決定,最後由4號黃瑋琦奪得季軍,1號何依婷拎亞軍,冠軍係5號雷莊𠒇,佢仲拎埋最上鏡小姐添,而10號張寶欣就拎咗Big Big Channel最受歡迎香港小姐。

雷莊𠒇 香港小姐


賽果一出,唔少網民都好唔滿意,話係「近年最劣質三甲」,黃瑋琦畀人話鞋抽,何依婷就大陸味濃,而雷莊𠒇就畀人話得最勁,King Jer直情話:「老老實實,冠軍真係無香港小姐feel,完全無東方美,似菲律賓/泰國小姐多啲,啲中文又差,其實好難代表到香港。」

香港小姐2017

係囉!年年港姐都總有幾個鬼妹仔,鬼妹仔都唔緊要,好似2013年冠軍陳凱琳同上屆亞軍劉穎鏇咁,講得一口流利廣東話,成件事即刻冇問題;反觀雷莊𠒇,佢聲稱自己住過喺香港10年,但喺問答環節連「季節」都聽唔明。

雖然好多人覺得雷莊𠒇唔夠靚同中文唔好,但佢拎得冠軍當然都有佢優勝嘅地方。23歲嘅雷莊𠒇來自多倫多,係今屆唯一嘅海外佳麗,職業係模特兒同演員,喺表演環節唱musical,贏對手成條街,而且佢身高5呎7吋,有健身嘅佢仲有腹肌同人魚線,身材非常之好,喺泳裝環節都表現得好有自信,唔知係咪因為咁,大會安排畀佢嘅晚裝都比其他佳麗性感。 

雷莊𠒇 香港小姐

雷莊𠒇 香港小姐

雷莊𠒇 香港小姐

除了硬件上贏人,軟件上都一樣冇得輸!雷莊𠒇嘅爸爸係香港十大設計師雷葆文,人稱「設計多面手」,喺中、港、澳門發展其設計事業,傳聞指中、港、加三地嘅名下物業,身家億億聲,喺商界有頭有面。

其實除咗雷莊𠒇,五強入面有4個一係就外國讀大學、一係就直情移咗民,個個都有番咁上下家底,所以幾時都話成功係要靠父幹架!

雷莊𠒇 香港小姐

雷莊𠒇 香港小姐

雷莊𠒇 香港小姐

雷莊𠒇 香港小姐


雷莊𠒇 香港小姐

雷莊𠒇 香港小姐

雷莊𠒇 香港小姐

<延伸閱讀>民選嘅話,伍樂怡、邱晴、張寶欣會拎三甲?

<延伸閱讀>姚子羚由《四葉草》到《同盟》的索女進化史



 

Tags:

YOU MAY ALSO LIKE