9大攻略!新年如何回敬親戚的「熱情」問候

二弟

新正頭要講好話?OK,前提是對方同樣講好話囉,偏偏全年最討厭的活動——拜年,就有一大堆不懷好意的姨媽姑姐,新年四圍辣火頭,句句挑釁,字字挑剔,還有不經意的炫耀,一旦遇上總要逮你問上幾句的親戚,就等我們教你如何善意地反擊,放馬過來吧。

1)「出嚟叫人啦,做咩唔識主動叫人既?」

面對那班不常見面的三姑六婆七表姐,最重要是我根本認不出他/她是誰,何況要說出那些全天下最複雜的關係圖稱呼表。不失霸氣地回句:「長輩你咁後生,我地唔講輩份嘅,費事叫到你老晒,識你咁耐都唔知你英文名係咩添,冇嘅話不如幫你改番個啦,Lu Lu啦就不如。」

2)只供單身女生:「你都單身好耐啦喎,仲唔快啲搵個男朋友?駛唔駛介紹過你識呀?」

你估我想單身想dry嘅?我單身,自然有單身的原因啦,難道我又要跟你講清講楚?再說,你介紹的怎會有鑽石王老五,要宅男的話,阿姐我大把啦。「呢個年代唔興拍拖架,慢慢揀下先啦。你知唔知乜係娘娘呀?收兵呀?好人卡呀?你地個年代冇呢啲野,好悶囉。」

<<延伸閱讀>>誤中地雷!8句不能跟單身女說的話


3)只供拖已拍,但婚未結:「你年紀唔細架喇,都係時候結婚啦,今年好年喎⋯⋯」

妖⋯氣衝天呀今年,還敢說好年,哼,我不喜歡結婚呀,吹咩。「今年經濟唔好架,不宜做重大決定,再講呢兩年樓市仲會跌,邊個仲入市就真係水魚喇⋯⋯」下,你個仔啱啱買咗?Oh ,真係Sorry喇,蘇民峰都有話猴年不宜買樓投資,哈哈哈。


4)只供婚已結,仔未生:「結咗婚做咩唔生仔呀?駛唔駛姨媽送條秘方畀你呀?」

我就不信你有何秘方,就算有,都只會生得出你那個如此愚笨的兒子。「姨媽,今時唔同往日喇,你果陣就要有仔趁嫩生,好命啲生咗幾件喇。而家生完仔,咪畀佢點來點去,唔駛我多講,你明架啦。」

5)只供婚已結,仔已生:「阿仔考咗邊間學校呀,我個孫呢,就⋯⋯」

兒子讀哪一間,關你鬼事咩,細細個就要鬥來鬥去,為甚麼呢?「考咗好幾間啦,但我又唔係啲咩怪獸家長,唔係一定要阿仔讀邊間名校嘅,等佢自己揀啦,費事逼佢讀得唔開心,第時大個係高分低能呀。」

<<延伸閱讀>>4種令老公倒抽一口涼氣的行為



6)「係呢,你做果行/果間公司,近年好似(任何形容詞)架喎!」

面對R水吹的親戚,根本只為hea時間過,亦不見得想了解你,如有時間就亂噏一下,否則就做個話題終結者吧。「新年流流,費事講公司壞話啦,我果行/果間公司好複製架,一言難盡,如果你真係咁想知,不如我畀個公司名你上Google search下啦。」,對底我是在拜年,還是進行job interview?


7)「你好忙咩?上次做咩唔黎食飯呀?」

唔想見到你咁多次就一定架啦,總要我說出口才行嗎?「上年有高人指點,叫我唔好出咁多夜街,要少啲應酬,親戚都係咁話。」喂,仲夠膽問嘅,再絕啲我都講得出呀!


8 )面對貪心的親戚:「乜又係送朱古力同埋曲奇呀?」

咁你想食咩呢?我下年可以唔上黎拜年!

<<延伸閱讀>>女人最LIKE & DISLIKE的說話

9 ) 「我個仔每個月比2萬蚊我洗,你有冇咁樣孝順阿媽呀?」

知你個仔叻喇,最討厭別人吹捧自家人的經濟、生活有多好,直情讓聽者人叫苦連天,不妨回應一句:「我爸媽心中非常富有,咁你呢?」, 最後祝大家新年進步!

相片來源:《家有囍事》、《meet the fockers 》、《公屋潮文:公屋、居屋、私樓》

二弟profile:
網絡作家,講男講女講食講玩。FB專頁:bit.ly/2brofb

YOU MAY ALSO LIKE