已甚少喺樂壇出現,不過佢哋留低咗一堆到今日都仲會聽嘅歌

晚霞

《已甚少喺樂壇出現,不過佢哋留低咗一堆到今日都仲會聽嘅歌》

「星運」係一樣好有趣嘅嘢。

有啲人窮盡一生,有好高知名度,但冇咩代表作。

你知佢好知名,但又講唔出太多作品。

 

但同時有啲藝人,佢或者已經再唔活躍,轉咗行甚至已經漸漸淡出。

不過,留低咗一啲歌,到十幾年後嘅今日,你閒時仲會聽返。

 

 

Yan(吳日言)仲喺圈內活躍,近排都有喺電視台唱歌,

但數經典,都係當年嘅《扯線風箏》。

原因好簡單,呢家你行到中環石板街,依然會記得兩首歌。

一首係《耿耿於懷》;另一首就係《扯線風箏》。

 

李蘢怡除咗又高又靚之外,都一定會記得佢首《夜遊杜拜》。

之前知佢去咗外國讀書,或者他日仲有機會聽到佢親自再唱一次。

 

而比李蘢怡早出道少少嘅bobo,就接近完全退出娛樂圈,向人生另一階段進發。

 

另一對組合2R,當時用「真姐妹」打住青春偶像嘅旗號,出道歌《第廿九天》耳熟能詳之外,

四葉草系列都好深入民心。

但經過多年,兩姐妹都遂漸淡出娛樂圈啦。

 

 

何嘉莉算係較早出道,仲早過Joey。

《兩種人》都算係佢代表作,

但早喺2002年已經退居幕後,到05年退出娛樂圈。

 

 

趙頌茹當年嘅一曲《發奮》,都算膾炙人口。

但大家應該較為記得佢同周永恆嘅一段婚姻。

男方的確好賤,但好彩阿Yu近年已經振作,
努力投入工作,獨力照顧兩個囡囡。

 

古天樂呢家喺影壇極具影響力,

但當年都有段「唱歌年代」,雖然時間唔長,但好聽嘅歌都唔少。

不過古仔致力於影壇,
應該較少機會唱返歌啦。

 

係架,好多人事物都在變。

佢哋未必再有新作,但留低咗一堆,即使聽咗十幾年,

但仍然閒時會聽返嘅舊作。



或者聽住呢啲歌,你都會搵返十幾年前,同一啲舊人嘅回憶。

 

Credit: 《扯線風箏》MV、《夜遊杜拜》MV、《第廿九天》MV、《兩種人》MV、《發奮》MV、《男朋友》MV

 

 

 

 

Tags:

YOU MAY ALSO LIKE