廣東歌感染力最強!嚴選Eason 出道二十年10首非派台冧歌

HY

Eason出道二十一年,推出過嘅歌有幾百首,你係咪首首都聽過?就以冧歌為例,《幸福摩天輪》、《天下無雙》呢啲你一定聽過,但係有更多嘅滄海遺珠同樣動聽。以下Eason 10首冇派過台嘅冧歌,你聽過邊幾首?

 

《跟我走好嗎》 (1997年,收錄專輯:與我常在)

 

就在我失意挫敗盡頭 就在我不信世上仍然有愛不老
暗淡時刻一再教我看見亮光 來自你的默然扶持和柔情蜜意
沿途有你伴著未懂得珍惜 今天方知真需要你

 

時間過得真係快,《與我常在》呢張專輯已經係二十年前嘅作品,當年Eason只不過係樂壇嘅二年級生。而家聽返,其實碟入面識嘅歌真係好少,呢首係其中一首。

 

 

《相信相依》(1998年,收錄專輯:我的快樂時代)

 

 

點解喜歡你?
因為我做大人嘅時候 你就係小朋友
而我做小朋友嘅時候 你就變咗大人

 

小編覺得Eason呢段獨白係全曲精粹。把聲夠sweet、歌詞sweet,成件事加起嚟十分浪漫。

 

 

《快高長大》 (1999年,收錄專輯:天佑愛人)

 

 

其實有心 對你寵壞
每日朝拜 承受你挫敗
期望從此 對我倚賴
然後難以 抱別個入懷
未像我對你 你都不快

 

有邊個女孩子唔想被男朋友寵愛?但係有邊個男孩子又會不惜一切寵愛女朋友?Eason喺《快高長大》就唱出佢哋嘅心聲!

 

 

《飄飄飄飄》(1999年,收錄專輯:幸福)

 

 

讓你我 飄飄飄飄進愛的海
然後以後離不開 我贈誠實的愛
學會牽和掛 和認真期待
當我心真正著緊 我真正存在

飄飄飄飄進你風采
無論我如何不好 你亦全部裝載
把你的純真 抹我的塵埃
讓這俗人重見精彩 天地可愛 真是可愛

 

作為專輯入面第一首歌,而且由林振強填出咁sweet嘅歌詞,知名度應該不比同碟入面嘅《幸福摩天輪》同《時光倒流二十年》低。

 

 

《信心花舍》(2001年,收錄專輯:Shall We Dance? Shall We Talk!)

 

 

我未計代價賣牡丹 加印花送花被單
不夠抵 送燭光晚餐
愛令我自信如恆山 睡蓮在天山
給你 摘一朵好襯衫

 

07年嘅Eason’s Moving On Stage演唱會,Eason出場以一身白色服裝示人,配合背景白鴿飛舞嘅畫面。一開口,聽眾即刻被浪漫嘅氣氛包圍。

 

 

《不知所謂》 (2001年,收錄專輯:The Easy Ride)

 

 

我抹角轉彎走到這個路口 我卻沒有講我很愛你
我抹角轉彎走到這個路口 尚在計劃如何講愛你

 

驟眼睇歌詞以為Wyman求其填啲詞落首歌度,其實係講故事主人翁好愛對方,但係冇勇氣表白,於是只好東拉西扯。連林宥嘉都喺演唱會翻唱過呢首歌㗎!

 

 

《冤氣(2005年,收錄專輯:Great 5000 Secs)

 

 

喂喂 我不敢委屈你  喂喂 我不敢不寵你
奮鬥再奮鬥要有你與我天地
我也會故意頑劣引誘你不得不生氣
專登俾心機呵番你  慘得過我真的比較冤氣

 

成首歌Eason嘅演繹方法就好似一個人瞓喺張床同另一半講嘢咁。不如試吓對住你另一半唱呢首歌,睇下佢有咩反應?

 

 

大個女》(2005年,收錄專輯:U87)

 

 

能變成李英愛能變邊個人也相親相愛
飄過了大海 願風風雨雨都可以避開
你還要戀愛 我還記得愛兒女所愛
早習慣看開 你易容還是可愛
最重要心記得要開 來競技角力賽
最終不管輸贏都 一般可愛

 

好似當年森美喺叱咤頒獎禮咁講,Eason喺2005年好忙,因為唔單只復出推出咗一張首首都係經典嘅《U87》,仲要忙住湊女,因為Eason囡囡陳康堤亦喺同年出世。《大個女》就係C.Y.Kong、林夕同Eason一齊送俾康堤嘅禮物。好Sweet!

 

 

《床頭床尾》(2013年,收錄專輯:The Key

 

 

徐徐入眠沉睡 徐徐入眠沒眼淚
床頭任何疑慮 一覺甦醒了
混和床尾 絲絲髮堆

再蒼老幾歲 病榻上結伴仰首太虛
愛湧進對方的骨髓 互吻微笑目送他去

 

所謂床頭打交床尾和。呢首由Eason親自作曲嘅作品,係寫俾佢老婆徐濠縈㗎!點知?睇上面段歌詞就明!

 

 

《喜歡一個人》 (2015年,收錄專輯:準備中)

 

 

你愛浪漫的秋意 我愛夏日長
你愛為未知打算 我計劃現況
結伴可以 是各自各欣賞  相處不拘 讓各自各一樣忙

你愛造夢儘管試 我會合力設想
終於實現的一刻 我會在現場
千種快樂 從分享裡面擴張 失意不相干

 

 

呢首應該較為大眾熟悉,而且上個月先推出MV。兩個人,各自有自己嘅空間,同時又可以互相扶持,發揮大家嘅力量,同偕並肩。聽到Eason嘅娓娓道來嘅演繹都覺得好sweet!

 

 

睇返playlist原來好多好歌都係集中喺10幾年前。雖然Eason今年只推出國語專輯《C'mon in~》,但係我哋仍然好期待佢可以再推出驚喜嘅廣東歌俾大家!

 

 

延伸閱讀:一人一首,出道初期的代表作

延伸閱讀:作得又唱得!盤點香港8位實力派唱作女歌手

YOU MAY ALSO LIKE