輕熟女的共鳴!《29+1》數 8 個女人三十的心態轉變

何渾

由彭秀慧自編自導自演的獨腳戲舞台劇《29+1》,自2005年公演開始,廣受好評,更成為了其代表作,道出了不少輕熟女踏入三十歲的心聲和迷惘!電影版由周秀娜和鄭欣宜擔任女主角,在大銀幕訴說你和我身同感受的故事。

輕熟女的共鳴!《29+1》數 8 個女人三十的心態轉變

1. 輕熟女29+1 的迷惘

女人三十歲就像一條無形界線,形成輕熟女29+1 的迷惘

女人的三十歲,就像一條無形界線,社會加諸於身上的期望和眼光,好可怕。「30歲之前要結婚」、「30歲唔細喇仲成日轉工」、「30歲仲著到成身粉紅色」,明明二十九與三十歲只差一年,但三張野就係三張野,世界突然變得不一樣。點解呢?究竟係我想結婚、定係被催婚?究竟我想追尋夢想、定係隨波逐流?「女人三十大關」太多衝擊,太多迷惘,我們忙於追求社會上最流行的價值觀,卻忘了自己是否真正想要這些東西。不斷力爭上游,升職了,卻不知道自己為了什麼而奮鬥。《29+1》給予女生一個機會思考應該用甚麼心態來面對往後的人生,做一個真正了解自己的輕熟女。

2. 自拍要美肌好擔心走樣

三十歲新陳代謝大大減慢,要做好護膚

女人過了三十歲新陳代謝大大減慢,皮膚、身形,唔keep真係好顯老!就算知道化妝品化學成份太多、唔好,想素顏多啲,但望住塊鏡,真係慘不忍睹,色斑、粗大毛孔,OMG......化妝枱除了美白和補濕用品,更需要大量購入anti-aging的抗皺產品。仲有,以前餐餐燒肉、放題,都冇問題,三十歲後,呼吸都會肥....在飲食和運動方面要小心調整。輕熟女漫長的戰鬥!

3. 女人三十的麵包與愛情觀

女人三十擇偶條件都會隨之改變

十幾廿幾歲驚天動地愛戀過,戀愛大過天;女人到了三十歲,要安定,要成家立室,要安全感。麵包與愛情,原來會隨年齡和階段而轉變,擇偶條件都開始要將經濟狀況列入考慮範圍,因為戀愛回歸基本,都不外乎柴米油鹽。另外,踏入輕熟女年齡後,最憎拜年,因為每次親戚都會問「30喇可?幾時結婚呀?」就算同朋友食飯聚會,都開始會傾結婚相關的內容,陸續收到紅色炸彈。「30歲前要嫁得出」就像緊箍咒,好煩人!!

4. 女人三十不再年輕了

女人三十不再年輕

以前上司叫你做「阿妹」,而家啲人叫你做「阿姐」,女人上了三十歲,資歷自然比別人深,就係其他同事眼中的「老屎忽」。Fresh grad歲月離你愈來愈遠,工作上不容許再犯低級錯誤;成為夾心階層,左右做人難,醜人要你做,年輕同事開始避開你,不再對你推心置腹了。而且望住剛入行的後生女,更覺自己老了,如戲中的周秀娜,當隔離飲緊紅豆冰,自己就戒掉飲凍飲的習慣;當隔離著小背心,自己在公司就長披披肩,怕冷氣凍。

5. 生老病死這麼近

輕熟女要開始面對身邊的人一個一個的離去

當你踏入輕熟女年齡,也意味著你爸爸媽媽也同樣變老了。歲月是神偷,看著爸媽,黑髮變成白髮,健康響起警號,身體狀況不勝從前.....人愈大,身邊的人一個一個的離去,任你多不捨,也無法控制,所以就算你有多忙,也要珍惜眼前人。

6. 沒有說走就走的勇氣

女人三十要承擔的責任更大


好厭倦份工,日呻夜呻,但又驚轉工、轉行,由頭黎過,要放棄嘅野實在太多!出走去旅行,又要就住就住,5日4夜都驚公司唔批。比起少女,輕熟女要承擔的責任更大,唔可以淨係諗自己,要畀家用、要供樓,年輕時「我揮一揮衣袖,不帶走一片雲彩」的瀟灑,byebye喇!

7. 輕熟女無需太多朋友

女人三十後無需太多朋友

廿幾歲,最驚悶,晚晚drink drink、宵夜,一班朋友玩得有幾癲有幾癲!女人三十歲之後,圈子不同了,從前的朋友現在各有各忙,湊bb、進修、工作,連聚會的時間也變得少之又少。輕熟女要懂得找一個能夠交心的朋友,跟你一起成長。

上了輕熟年齡會更重視正常作息

8. 生活作息大轉變

二十幾歲,晚晚通頂,恰一恰體力就回復;上了輕熟年齡,第二日要全日工作搏殺,有得早瞓就想早瞓,最正係瞓美容覺,通頂就咪搞,第二日會超頭痛。假日如是,以前最鍾意出街,現在寧願留在家做宅女。

 

《延伸閲讀》[29+1]幾時開始結婚生仔變成一個成就?

《延伸閲讀》成日唔記得嘢?提升記憶力的三大方法

 

YOU MAY ALSO LIKE