不再想念單身生活了!男人想為邊4種女人settle down?

isaB

關於結婚的最佳時期,好多女人都會想抓緊二十的尾巴,儘快係三十之前搵人嫁左佢。儘管有些單身的朋友會高呼着「女性獨立」的口號,但心裏面都暗藏住一顆渴望被愛的心。睇住身邊朋友、舊同學個個披上嫁衣,係咪都會有少少結婚既衝動?拿,無論有無對象都好,一齊睇下點樣做 「wifable」 既女人啦。

 

  1. 心地善良似綿羊

 

好多男人都深明拍拖同結婚唔同呢個道理。拍拖個女仔就算刁蠻少少,都一下子吞左佢就算。但係要娶翻屋企的老婆,如果係個心地唔好既女人,日日係度呻呢樣唔好果樣唔好,又講人是非又玩心計,係男人見到都怕怕啦。成世人流流長,娶左呢種女人翻去咪有排受苦?男人都係偏向鍾意簡單既生物,當佢察覺到呢個女人心地唔好的時候,好自然就會縮沙吧?所以話做人都係簡單好。

  1.   識做家務愛打掃

做女朋友的時候,當然可以攤大手板做女王,追緊你既男人當然係咩都肯做啦。但當男人要考慮到娶老婆的時候,當然最好搵到個識打掃架啦。點解? 因爲男人本身都懶囉。

 

  1.  有自己事業、有幽默感,被調侃亦不會生氣

無論你翻緊咩工,就算唔係高薪厚職都好,男人揀老婆,其實都好睇重一個女人有無自己事業。就算呢個男人再有經濟實力,結婚後佢會比你做少奶奶,一切都係後話。係做女朋友的時候,你都係需要有一份工作,背後的意義就係你可以獨立求生既能力,而唔係依附係男人身上、奉旨等人養的寄生蟲。

 

4. 注重儀容會打扮

無錯,男人一向都係咁着重感官享受架啦。你唔一定需要係國色天香,但係最好注重下儀容打扮,平日化個淡妝都好吖。你係男人都唔想成日對住個不修邊幅既女人一世吧?此外,話曬娶老婆都係要成日對住,所以一般男人亦都唔會揀太濃妝既。

 

《延伸閲讀》王貽興專欄:她不過是綠茶婊

《延伸閲讀》究竟哪裡出錯?6個錯誤想法妨礙你的戀愛路

YOU MAY ALSO LIKE