趕走腥臭味!10種方法讓女生私處回復香噴噴

 

 

女仔嘅私處本來就有啲健康嘅益生菌保護住,既濕潤又成日不見天日,有少少味都係好正常嘅,有人會用麝香嚟形容嗰陣味。雖然到M嘅時候,陣味會變得好重金屬,做完運動之後陣味亦會濃烈咗,做完床上運動之後陣味仲可能怪怪,不過呢啲都係好正常嘅事。

 

之但係如果最近你覺得妹妹發出異於平常嘅氣味,而且味道愈來愈濃烈,濃烈到你開始懷疑隔離位會唔會聞到,甚至連男朋友嘅性暗示都要拒絕嘅話,有可能係你最近嘅飲食習慣引架,以下10種食物,只要食返多啲,就可以解決妹妹嘅腥臭,同BB豬繼續過住幸福快樂嘅生活喇。

 

趕走腥臭味食物1:紅莓汁

紅莓內含豐富嘅酸性化合物,幫你擊退私處嘅有害細菌,平衡陰道pH值,仲可以防止同埋舒緩尿道感染。最好選擇天然紅莓汁,或者無糖嘅先係對妹妹有益架。

 

趕走腥臭味食物2:乳酪

乳酪本身就擁有良好嘅細菌,幫助妹妹維持喺健康嘅酸鹼度。記得要揀活躍菌種益生菌。如果唔食得乳酪都唔使勉強,酸青瓜、德國酸菜、泡菜、味噌同紅茶菌都含有豐富嘅益生菌。

 

腥臭味食物 3:番薯

番薯裡面嘅豐富維他命A ,可以維持陰道同裡子宮壁嘅健康生態,而且仲會刺激我哋嘅荷爾蒙,令個人仲滿朝氣同埋活力。

 

趕走腥臭味食物 4:蒜頭

蒜頭陣味係勁,而佢嘅抗菌效用都唔使再多講,而原來生食蒜頭,仲可以殺死酵母,舒緩陰道感染。

 

趕走腥臭味食物 5:大豆

豆腐、枝豆、毛豆、同味噌呢啲都係大豆類食物,裡面嘅植物雌激素會好似潤滑液咁,幫你保持陰道濕潤健康。不過過度加工嘅大豆食物係無用,例如係大豆整嘅漢堡包或者麥樂雞。

 

趕走腥臭味食物 6:牛油果、蘋果

如果你唔鍾意大豆嘅話,呢兩樣果都可以幫你保持妹妹持久濕潤同健康架。

 

趕走腥臭味食物 7:水

莫講話妹妹,飲水唔夠嘅話,個口都會臭啦。每日飲夠8杯水,幫助身體排毒之餘,仲可以為妹妹提供足夠水份,陰道健康就自然無晒腥臭啦。

 

呢三樣嘅睇落無乜共通點,查實佢哋都含有豐富維他命C,可以增強你愛愛嘅持久力,仲會消滅嗰啲令你無晒性慾嘅自由基,令你重拾性趣。

 

趕走腥臭味食物 8:黑朱古力

不嬲都話每日食一塊黑朱古力,可以今人開心啲仲可以抗氧化,原來仲可以提高女仔嘅性慾同埋性能力,總之對性健康百利而無一害囉。

 

趕走腥臭味食物 9 :新鮮蔬果

係人都知蔬果對身體好,多食對陰道當然亦有好處。例如近年好興嘅健康菜羽衣甘藍同埋菠菜可以增強身體血液循環,預防妹妹變dry。另外,多吃蔬果亦可以減少M痛,皮膚又會好啲,高潮都會易啲架。

 

 

趕走腥臭味tips 10 :避免吃太多紅肉

吃得紅肉多會增加體味,紅肉含有豐富蛋白質,變相給細菌一個溫床慢慢繁殖。

YOU MAY ALSO LIKE