英美特務crossover!《皇家特工》對抗惡霸 4個必睇賣點

HY,edit by s.s

仲記唔記得Harry同Eggsy聯手大開殺戒懲罰壞人嘅英姿?睽違2年,續集《皇家特工:金圈子》(Kingsman: The Golden Circle) 終於喺9月21日全球同步上映!以下電影4個賣點,一定會想令你入場睇!

 

賣點1:陣容鼎盛

今集《皇家特工》陣容十分鼎盛,除咗有哥連費夫(Colin Firth) 、泰隆艾格頓(Taron Egerton) 等原班人馬上陣,仲搵嚟金像影后影帝茱莉安摩亞 (Julianne Moore) 、荷爾芭莉 (Halle Berry) 、謝夫布烈治 (Jeff Bridges) 擔綱演出。著名歌手Elton John亦會客串演出。不愧為《皇家特工》,咁豪華嘅陣容,相信影迷一定十分期待!

 

 

賣點2:英美特務Crossover

《皇家特工:金圈子》劇情緊接上集,特工總部突然被炸毀。Eggsy(泰隆艾格頓 飾)唯有再次出動,仲會同美國牛仔特務攜手維護世界和平。英國紳士派同美國牛仔幫合作,究竟會擦出咩火花呢?

 

 

賣點3:Harry重現銀幕

電影另一賣點,係上集被殺害嘅主角Harry (哥連費夫 飾)將會復活!今次復出,唔知佢有咩大計?佢會唔會繼續幫Eggsy化解危機?

 

 

賣點4:華麗動作場面

有睇過上集《間諜密令》嘅影迷都知道電影嘅拍攝鏡頭同動作場面都十分華麗。今次電影亦會延續上集風格,將各種打鬥場面表現得更加淋漓盡致,更加刺激!唔講咁多,即刻送上精彩預告片!

 

 

延伸閱讀:ROBERT PATTINSON終有佳作!《命中有罪》有力問鼎奧斯卡影帝

延伸閱讀:「靚佬湯」踩過界?《巴利薛爾:飛常任務》玩轉黑白兩道

YOU MAY ALSO LIKE