至索姐妹花!湯洛雯妹妹湯樂瑤索爆做KOL

娛樂圈有不少靚靚姐妹花,黃心穎和黃心美、張寶兒和張寶欣、楊卓娜和楊怡、2R的Race和Rosanne等,原來最近憑《燦爛的外母》成功入屋的「靚湯」湯洛雯都有個索爆妹妹。湯洛雯近日upload了一條「一秒變索女」的短片,介紹妹妹湯樂瑤Cass出場,仲叫人follow妹妹IG,似乎想捧紅妹妹咁話。

 

1.初試啼聲

湯洛雯於IG post出一段與妹妹湯樂瑤的短片,教網民一秒變索女,短短8秒,輕輕撥一撥頭髮,就已經吸引網民眼球。很多網民都讚妹妹靚,話佢似苟芸慧,叫佢選港姐,於2012年參選港姐的湯洛雯更可以分享心得添!

 

 

2.索爆身材

湯樂瑤與姐姐的style完全唔同,比較成熟、女人味濃,她的IG (@cassandretong)放滿靚相,更有大量泳衣照,豐滿上圍、姣好身段、索爆長腿,非常sexy,健康又性感!她又會不時分享旅遊照、生活照,可觀性十足。

 

 

3.才女讀得書

現年21歲的湯樂瑤,樣靚身材正外,更是一名高材生,在英國讀過經濟科一年,今個學期返香港中文大學轉讀法律系,是一位有文化修養的知性才女。真係美麗與智慧並重。

 

 

4.做住KOL先?

很多網民都期待這對姊妹花出現在熒幕上,對於妹妹會否加入娛樂圈,湯洛雯就表示妹妹以學業行先,暫時未諗入行同選港姐,不過對做KOL有興趣,喜歡美容和時裝。

 

 

5.一家神基因

正所謂「有其姊必有其妹」,家姊靚通常妹妹都靚。兩個女都靚,阿爸阿媽都有返咁上下。爸爸湯鎮宗是演員,是最早一批到內地拍電視劇的香港明星,亦是「無綫五虎將」湯鎮業的胞兄。媽媽五官標緻,大方得體,一屋都係優良基因 。

 

 

6.姐妹情深

 

湯家兩姊妹感情要好,二人相差9年,湯洛雯笑言自己是低能家姐,而妹妹則走成熟路線,二人不時傾心事,分享工作學業上、感情上、衣著上的事情,互相畀意見。

 

 

 

延伸閱讀:湯洛雯默默耕耘5年終做女一:最想就係有人記得我

延伸閱讀:史上最強氣墊粉底:全新MY ARMANI TO GO CUSHION

YOU MAY ALSO LIKE