森美專欄:不斷出軌就是維持恩愛的方法

DJ 森美
最近睇咗一個外國嘅Stand-Up Comedy,嗰位Comedian喺台上講咗個笑話,個笑話一啲都唔好笑不過就幾有哲理。個笑話係佢見到一對好恩愛嘅夫婦,雖然已經一把年紀但都依然手拖手漫步沙灘,佢覺得好奇怪,唔明點解佢地可以做得到,於是就去問佢地有咩辦法可以維繫到兩個人嘅關係咁多年都咁甜密?之後個老伯就拉佢埋一邊同佢講:「細侄,想好似我同老婆咁恩愛只有一個方法,就係你不斷出軌!」

 
 
我唔知你睇完笑唔笑得出,但諗落又確實幾真!

不斷出軌就是維持恩愛的唯一方法 (photo: Getty Images)
 

男人唔係一種可以經常保持住愛情嘅動物,男人除咗喺追你嘅時候會獻出無窮嘅愛之外,就係同你上床嘅時候先會對你特別殷勤。不過都唔好睇得男人咁膚淺,因為仲有一個情況,就係當佢內疚嘅時候,佢都會特別想對你好。

 
當一個男人有外遇,佢知道自己做錯事,唔可以講俾你知,佢就唯有用行動去將罪疚感掩飾,於是佢就會將對你嘅內疚變化成對你好。所以當一個男人對你好好,但佢又冇想同你拳腳交峰嘅跡象,咁你就要小心,佢一定有外遇!

當一個男人有外遇,佢知道自己做錯事,佢就唯有用行動去將罪疚感掩飾,於是佢就會將對你嘅內疚變化成對你好。 (photo: Getty Images)

photos by Getty Images

作者Profile:

DJ、金牌司儀、棟篤笑講者、製作公司老闆、專欄作家,他不放過任何渠道,誓要透過不同身份、不同平台發揮源源創意。

YOU MAY ALSO LIKE