Facebook洩密! 3個關鍵位透露佢係咪值得交往

何渾

每段愛情開始之前,都會經過一段暖昧期,應唔應該同佢開始?雖說人不可以貌相,但面書就可以話你知佢係咪值得交往!兩位知名交友網站創辦人Eric Resnick、Gina Stewart認為,從對方facebook上3個關鍵地方,即刻可以對佢呢個人了解得一清二楚!

 

1.「關於我」洩露個性

一般人都會在「關於我」中同人開心些牙一些日常瑣事、鼓勵性的說話或簡單幾句宣洩心情,但如果你發現佢居然長篇大論咁介紹自己例如為人風趣,動靜皆宜,鍾意接觸大自然……

呢種舉動就好似第一次同女仔約會就急不及待咁將自己所有優點大晒冷一樣,都咪話唔討厭! Eric Resnick認為,此舉動出於此人怕對方唔鍾意自己,所以急於hard sell自己,亦顯示出呢個人缺乏自信,所以使出一招「先下手為強」!

 

 

2. 「女性論」洩露人格

如果你發現佢經常公開發表和肆無忌憚咁討論甚至批評女人,明顯佢呢個人完全唔識得尊重女人,交往後,有可能你都會成為佢嘅批評對象!亦有啲人會透過「關於我」一欄公開「徵友」,強調自己單身,羅列出擇偶清單搵女朋友。呢種人永遠會將自己放在高位,用自己的尺去審視別人。

Eric Resnick表示,還未經過正式交往,沒有人有資格批評或審視別人,亦沒資格左挑右選。謙虛又有涵養的人較少會對別人作出挑剔性批評。

 

 

3.「大頭相」洩露感情狀況

一張大頭相,會話你知呢個人有無不良居心! Gina Stewart解釋,如果對方一直唔願意post自己相片又或者無露出正面,或者佢已經結婚或者並非身,因為驚俾人發現自己真正身份。當然唔以單憑一張相就斷定佢嘅真正身份,如果已經同佢深入傾談一段時間後,佢依然逃避見面,咁就要留意一吓佢交友狀況。

相反,有一種人有鋪selfie癮,每日不停狂post自己嘅相,呢種人多數係想引人注意,亦代表佢覺得自己條件比其他人高,對自己外表嘅自信一樣高於常人。如果你可以忍受另一半經常post相無傷大雅當然無問題,否則你就要三思,因為呢個有可能會成為你哋將來嗌交嘅導火線。

 

 

 

延伸閱讀:再帥都不可跟他結婚!絕對不能嫁的4種情人

延伸閱讀:唔洗再同另一半鬧交!10個令你拍拖順利的小技巧

Tags:

YOU MAY ALSO LIKE