男人心理學:6個行為反映佢對你有feel

男人的腦袋中,對一段愛情有多著緊,可以從多個行為看出。如果性愛為最重要,可能他也愛你,但比起你,他更愛自由,亦不愛責任。假若一個男人對你作出以下的行為,他對你和愛情的認真態度,是多於蝦條的層面 — 係愛啊!


 

佢約你出來,真係只係「出街」

如果佢肯花心思搵餐廳同你食餐飯,之後行下街睇下戲而冇「下場」,純粹約你出街的表現證明佢真係有心同你發展性愛以外的關係。如果只係想得到你的肉體,佢跟本唔需要花咁多時間同心神去安排一次約會,直接去飲杯野,然後直入戲肉啦。

 

佢好想了解你更多

男人想了解你更多的問題,例如工作、興趣、愛情經歷甚至價值觀,會設法得到佢想要的答案。這代表你有一定的魅力和優點去吸引佢,而非單靠性愛可以做到。

 

 

開始同你發動貼心攻擊

上床前,佢可以好浪漫為求成事,如果性後佢對你的態度有很大落差的,那就心知肚明吧。如果事後,佢對你繼續發展浪漫及貼心攻勢去討你歡心,例如送上你隨口說過喜歡的小禮物,雖然此舉動不代表佢好愛你,但至少佢一定對你有感覺。

 

 

介紹你俾佢的家人同兄弟識

當佢向天下宣布你們的關係,呢個舉動代表佢確定你哋之間的感情,佢係認真同你發展落去。相反如果相識時間已有一段時間,而你從未見過佢的朋友,這可能反映佢根本唔想你涉入佢的日常生活。

 

 

成日都搵你

佢會成日whatsapp叫你起身,問你食咗飯未、去邊到、同邊個做咩等問題,總之想係你的每一日都提醒你佢的存在,呢個表現好簡單直接 — 佢就是愛上你啦。

 

 

同你論將來大計(計劃包括你在內!)

男人要面子,有時追人時不會直接問你受唔受,總會為自己留少少空間怕被人拒絕,進可攻退可守。利用一些暗示的方式,例如跟你談論未來計劃,觀察你對佢的分享有何反應,有沒有共鳴。如果你feel都佢係真心share,而又認同佢的觀念,咁就不妨試試這段關係吧!

 

延伸閱讀:森美專欄:想有拖拍,女仔唔好成日黐GAY FRIEND,點解?

延伸閱讀:一生只想搵個肯陪你捱下去的星座女 TOP3

YOU MAY ALSO LIKE