搞不懂!4大女生對性事的誤解

毒菇

雖然世人都接受了「女仔也有性需要」的事實,但到真正有需要時,做女仔的始終還是開不了口,怕被他覺得你淫蕩,更怕他誤會你水性楊花。其實,老套啲講句「情侶之間貴乎坦誠」,除了晚飯去邊間餐廳食、食完飯要睇邊套戲呢類問題之外,對於性慾,女仔都可以有話事權,而情侶之間亦應該要好好溝通,以後才能真正享受床上運動的樂趣。以下列出女生對性事的四大誤解,看看自己對性的開放程度是否仍處於石器時代:

一、擔心呢樣擔心嗰樣
有些女生平時很大膽,但一談到與另一半埋身肉搏,馬上會變得好驚青。驚自己表現唔夠好、驚食飽飯個肚腩現形、驚自己同佢嘅節奏夾唔到、驚高潮時個樣唔靚……於是在整個共赴巫山的過程都緊張兮兮。其實喺佢心目中,做愛就係忘我與激情,最重要係你能夠完全放鬆投入,因為去到如此埋身肉搏嘅時間,佢仲邊得閒理你咩嘢樣。


二、女生必須要有矜持
如果你永遠都只等他開口,覺得主動邀約做床上運動很放蕩的話,一來,你自己的慾火沒有得到適當的宣洩,谷住谷住對身體唔好;二來,就算他開口了,你亦無法完全放鬆和投入。
 
如果你是真的對床事有點害羞的話,試試事前叫他把燈關掉吧,慢慢就能克服的了。


三、痛又唔敢出聲
有時男仔覺得好過癮嘅體位,實情係好考女仔筋骨嘅柔軟度。都係嗰句,在床上翻雲覆雨時,男人唯一關心嘅只得一樣 ── 高潮,就算平時有幾體貼、有幾細心都好,去到床上都會變得放埋一邊。奉勸各位女仔,如果真係覺得痛,好應該話聲佢知。如果佢愛你嘅話,又點會捨得你忍痛成全佢嘅爽,畢竟良好的溝通亦是共赴高潮的重要元素哦。


四、唔戴套也很安全
為了讓抽插過程更爽快,男仔會話佢可以控制到射出嘅時間,從而說服你把安全套脫掉。唔戴套的感覺確實很爽,但其實作為成年人,無論男女也不能一味只顧享受一時爽快,然後到親戚沒來時又怕有餡。久而久之,女仔會因為緊張和懼怕,心理上自然抑制性高潮反射,分分鐘造成性高潮障礙或性冷感。除非你們正努力造人,否則做床上運動時還是安全一點吧!





photos by Shutterstock

YOU MAY ALSO LIKE