點解野戰會咁hit?


《衝上雲霄Ⅱ》劇照

《衝上雲霄Ⅱ》有一幕講述Chilam同法拉的超激床上戲本來是’打野戰’的,但拍攝當時好凍,惟有移師室內,網友大嘆可惜,足見野戰的神秘魔力到底有幾大。

上個月去咗一個澳門超大型泳池派對,場內無論男女,身材樣貌都非常高質,而且九成都係藍眼睛嘅外藉人士,大會仲搵埋著名DJ搞旺個場,剩係強勁嘅音樂已經搞到個人一入場情緒超高漲。眼見幾乎所有人都陶醉於音樂與酒精之中,加上半個身咁高嘅泳池水掩護,無論男男女女都好似獸性大發咁瘋狂覓食,頭盤車輪戰配上下其手,主菜當然係即場搞野啦,亦係所謂嘅打野戰。

 

野戰勝地:去到邊 震到邊

講返打野戰地點,其實好視乎你嘅經濟條件,簡單舉例,條件好嘅有車人士,戰場幾乎可以係港九新界任何一個角落,你既可以上山頂震住俯瞰整個東方之珠美景,亦可以泊喺碼頭震住欣賞幻彩詠香江;嫌無新意嘅話,你仲可以去局長太太塊地,乜都冇得睇專心做你要做嘅事。

至於無車一族,當然就無得去到邊震到邊,地點方面係無咁多花款,公園、商場後樓梯、公廁或者寬敞嘅殘廁都係一啲唔錯嘅選擇。可能你會問,點解咁多時鐘酒店唔去,係都要玩野戰,搞到又污糟,仲要心驚驚怕畀人拍咗片放上YouTube呢?

三大野戰成因

經過多方追查後,我歸納出三大原因,主因當然係無錢畀房租啦,而追求刺激同埋太性急,亦都係讓人走上打野戰之路的原因。

1. 無錢

其實全香港打野戰經驗最豐富嗰班人,有一半都學生哥,你要知道一個未踏出社會嘅年輕人,梗係乜都想試吓,尤其一講到性,就最令佢哋躍躍欲試。你要知道學生哥除咗讀書,就係同啲同學搞男女關係,可惜零用錢唔多,而且又同屋企人一齊住,晏晝放學後無嘢做又唔可以返屋企,情急之下真係乜都做得出,我最佩服嘅係佢哋可以急到連校服都唔換就急急開波,誓要畀全世界知你喺邊間學校讀書先至安落。

2. 追求刺激

無可否認,打野戰又確係刺激到出汁嘅,嗰種快感就連成年人亦難以抵擋,何況十零歲嘅學生哥。個人認為,最正宗嘅野戰場地一定要係荒山野嶺,滿眼只得一片草原,好似同大自然融為一體咁,即使剝晒衫褲剝晒鞋亦都唔覺得有咩問題。最好可以喺連場激戰之間,同戰友一邊煲飯,一邊睇星星,再哼住Eason嘅反高潮,同戰友一齊研究「如何留得住高潮」,嗰種回歸原始世界嘅感覺,先至係打野戰嘅真諦,我發誓呢世人點都要試一次。

其實有好多打工仔都夢想可以喺公司打一場漂亮嘅仗,而最夢幻嘅場景當然係老闆張枱,試諗吓,可以喺老闆張大枱上面,將佢平日對你嘅怒火發洩喺你嘅戰俘身上,嗰種從報復而來嘅快感係幾咁爽先得架。

3. 太性急

如果喺Party搵到戰袍,喺咁情急之際,廁所絕對係野戰熱點,貪嗰度有得企、有得坐、有得閂門仲有廁紙供應;而港九新界三百幾個商場裡面嘅傷殘人士洗手間亦都係我好多朋友嘅首選戰區(當然我知佢地唔係存心想剝削傷殘人士使用洗手間嘅權利),皆因嗰一格廁所實在太寬敞、太方便喇,你話喇,當你次次行街shopping都碌走男朋友一萬幾千,有咩方法係既快捷又實際咁多謝佢呢?梗係學拓也哥咁講,多謝款待,絕對會讓他射出來!

誰來開發野戰app

打野戰係乜東東我諗唔使多講解,我亦有理由相信有野戰經驗的男女大有人在,但最奇怪嘅係,對於呢件好似行街、睇戲、食飯咁平常嘅事,到現時為止仍然未有一個類似OpenRice咁嘅網站,可以詳列所有打野戰的好去處。其實性需要人皆有之,而現今科技咁發達,思想又愈黎愈開放,就連邊間時鐘酒店抵玩都有人討論,就係冇人開發一個野戰熱點推介網,我真心希望遲吓可以發展到有啲打野戰app,可以畀用家隨時search到附近有咩熱點推介,最好當然係可以畀用家留評語,用埋笑臉同喊包臉做評分,如果可以shake吓電話搵到附近志同道合嘅人一切磋吓你話幾好。

YOU MAY ALSO LIKE