森美專欄:4大階段!Shopping反映男人有幾愛妳

DJ 森美
你男朋友對你嘅愛有幾多?從佢陪你行街買野時嘅反應就知道。
 
追求期:
 
啱啱拍拖時,你去到邊度男朋友都拖住你隻手,就算你得番一隻手揀衫佢都唔捨得放開你。你揀咗件衫,佢會好細心同你分析,又會主動叫你試,然後會係咁讚你同建議你買,找數時就毫不猶疑拎自己張咭幫你簽,買完又爭住幫你攞,甚至會將個袋撓喺前臂扮小絲帶引你笑。


你男朋友對你嘅愛有幾多?從佢陪你行街買野時嘅反應就知道。(photo: Shutterstock)

戀愛期:
拍咗拖一段時間之後,行街時佢只會跟住你,去到女裝部佢就會企喺幾個身位以外等你揀,問佢意見佢會話「都好啦」。找數時就要叫佢先會幫你俾錢,買完之後又要叫佢先會幫你拎住。

追求期:啱啱拍拖持,你去到邊度男朋友都拖住你隻手 (photo: Shutterstock)

冷淡期:
 
拍得再耐啲,佢同你行街會保持兩、三個身位,去到女裝部佢只會企喺門外撳手機。叫佢入鋪頭俾意見,佢會瞄一眼然後話「麻麻」。俾錢時就算你叫佢都唔會再攞出信用咭,買完之後你自己抽住個袋佢都嫌你輪盡。

戀愛期:拍咗拖一段時間之後,行街時佢只會跟住你 (photo: Shutterstock)

老夫老妻/近乎分手期:
 
每次去到女裝部佢都會自己行開睇野,你叫返佢過嚟俾意見,佢會話「呢種衫你咪有囉」若然你堅持要買,俾錢時佢會繼續講「你屋企好多,仲買?」離開鋪頭之後佢仍然會繼續囉哆,嗰刻你千祈唔好叫佢幫手拎,因為佢肯定會幫你掉落垃圾筒,然後講句「我同你講咗屋企有喇!」
 
跟據以上幾點,你就知道你同男朋友喺邊個階段當中。

老夫老妻/近乎分手期:每次去到女裝部佢都會自己行開睇野 (photo: Shutterstock)

photos by Shutterstock



作者Profile:

DJ、金牌司儀、棟篤笑講者、製作公司老闆、專欄作家,他不放過任何渠道,誓要透過不同身份、不同平台發揮源源創意。

YOU MAY ALSO LIKE