女人唔Mind 就呃你!5件男人眼中的小事 分分鐘變分手導火線

S.S

無錯,女人多愁善感,尤其是一腳踏入情關,好易會面對迷惘,繼而迷失,跟住就係安全感慢慢消失。 可能,男人眼中,女人無安全感只係敏感作崇,但其實罪魁禍首正正係男人們眼中無傷大雅嘅小事!

 

 

唔覺意稱讚其他女仔
拍拖初期,男人可以為你做任何事,就連天上個月亮都可以為你摘落嚟,但蜜月期一過,連講多句討你歡心嘅說話都唔願講。當然,無可能人人都識得將愛情保鮮,日日都可以好似初戀咁甜蜜蜜,但都唔好喺女朋友面前讚其他女仔,因為呢個絕對係令女朋友胡思亂想嘅最大原因!


愈見愈少 愈見愈短
拍拖最緊要兩個字--「溝通」。愈見愈少,愈見愈短,可能係忙OT、趕功課、要應酬,無人話勤力都有罪,但都要講聲嘛 !女人想像力豐富,唔解釋,就等於俾機會佢胡思亂想,愈諗就愈鑽牛角尖,誤會都係咁出現。 


談及將來避而不答
大部分女仔都會憧憬同男朋友有個幸福未來,雖然有可能係三、五、七年之後嘅事,但女仔就係鍾意同男朋友計劃將來。但如果面對男方避而不談,甚至連諗都無興趣,女仔會懷疑男方係咪真心,又何來安全感呢?唔hard feeling就假!



多數由女仔做主動
雖然話今時今日男女平等,女仔做主動好平常,但唔代表次次由女仔做主動約會男朋友無問題!尤其是一開始都係由男仔做主動,久而久之,幾乎次次都係女仔主動關心、約會,面對開始時兩個人一齊做決定,到依家孤身作戰,呢種落差,難免令人有感關係係咪已經開始變質。


唔帶女朋友見朋友
既然已經拍拖一年或以上,即代表感情已經去到穩定階段,呢個時候,男朋友依然唔願意帶另一半見自己朋友,甚至連朋友都唔知兩個人嘅情侶關係,做女朋友,輕則會懷疑有人想騎牛搵馬,重則會懷疑自己其實做緊小三。

YOU MAY ALSO LIKE