另一半愛玩高調放閃點算好?

cosmo editorial team

開心就要「些牙」,但係咪有必要連拍拖都要同朋友街坊開心分享先?另一半愛放閃,FB、IG日日更新,高調程度似做真人愛情show,每逢聚會人前人後都好似表演咁,想低調的你不知點算好?除了講一句「慳D啦Honey!」之外,你仲可以......

 

1. 真人不露「相」

佢鍾意post相向朋友示威、show off,由得佢,但講明唔可以露面,即係只可以post手拖手、長腿、纖纖玉手、背影、剪影、又或者地上個倒影......查實咁咪重浪漫!不露面之餘亦要聲明不可tag名,呢點,你可以取回控制權,私隱權限做少少手腳,你明的!

2. 用工作做擋箭牌

鋪還鋪,連生活細節甚至交往狀態都鋪,此行為的確有侵犯私隱之感,再勸無效,就出動工作做擋箭牌,強烈表明這樣會影響到工作甚至別人對你的看法,再屢勸不聽,殺手鐧—unfollow!

3. 當堅持變成習慣

並不是每個人都鍾意在親朋戚友面前高調曬愛,無論你是不想高調放閃又或是覺得時晨未到,總之就是不想在對方家人、朋友面前變成被鑑賞,最好一直保持堅決的態度,不參加就是不參加,想盡一萬個推搪的理由也要堅持到底,時間長了就會變成習慣。

4. 單身形象有利工作

就坦白說一句:「單身形象有利於工作!」雖說你不是甚麼天后、影后,但有時候單身形象在工作上甚或在招覽生意上會較有利。一於坦白從寬,試試解釋你的顧慮和商業考慮。

 

<延伸閱讀> 默契爆燈!合拍度滿分的情侶相處大公開

<延伸閱讀> 王貽興專欄:小聰明

YOU MAY ALSO LIKE