被誤會情變?洪永城與唐詩詠FB唱雙簧反擊

唐詩詠與洪永城雖然拍拖好一段時間,但大家似乎對二人戀情還是有待觀察。未知是因為洪永城花心形象太深入民心,抑或一眾男網友妒忌洪永城得到唐詩詠這個絕世好女友,洪唐戀總是被大家用放大鏡監視,更頻頻傳出感情觸礁。

早前唐詩詠出席活動表示寧願單身都不願嫁錯郎,惹來二人情變揣測,她說:「冇諗結婚,睇緣分,結婚係一時嘅衝動,好難估計,可能會閃婚。不過,真係要揀啱先決定結婚,唔係為咗怕冇而去決定結婚,單身總好過揀錯老公,老公係一世嘅。」,及後洪永城於Facebook出post反擊,唐詩詠亦留言撐男友,力證情未變。

唐詩詠出席活動時,被問到結婚問題,她表示不可因心急而倉促步入禮堂:「唔可以為咗怕自己之後再冇呢個機會而做呢個決定,寧願單身都唔想揀錯老公,老公係一世。」更笑言洪永城無意求婚,因其行為長期處於玩與過度活躍的狀態。此話一出,大家又再思疑二人感情出狀況,洪永城花弗個性令唐詩詠沒有安全感。

於是洪永城在其Facebook專頁有感而發,出post表示:「睇嚟要post親蜜相先代表我哋好好,要post同女朋友可愛對話先代表我哋無問題,如果唔係本身無事都比新聞講到好似有事。」唐詩詠亦馬上回覆:「可能要拍片先得。」一唱一和,證明二人情未變。

 

雖然咁樣放閃係有一點點冤氣,不過既可以止謠言,又可以好man 咁宣示主權,呢對couple暫時應該打風都打唔甩。

 

<延伸閱讀> 絕世好女友必學!讓男友死心塌地的7個體貼行為

<延伸閱讀> A餐定B餐?唐詩詠的抉擇

<延伸閱讀> 有一種女朋友叫唐詩詠,究竟如何做最佳女友?

YOU MAY ALSO LIKE