戀愛空窗期太久,再拍拖會遇到的5種心事

露露

 

習慣了單身,太久沒拍拖,戀愛神經變得遲鈍。突然,丘彼特之箭射向你心,心情與狀態一下子變得怪怪的,既高興又不安,哎呀,忘記了怎樣拍拖,怎麼辦?空窗期太久,再次拍拖通常會遇到以下問題,你試過嗎?

女人拍拖心事1. 糾結回覆訊息的timing

曖昧和熱戀初期,一定由朝到晚都whatsapp,難捨難離!不過,由於太耐無拍拖,突然有滋潤,個心真係飛出黎,但同時個人嘅情緒都會比較敏感起伏,個腦總是禁不住想東想西,特別是無聊野,例如朝早第一個message我send先定等佢send先?收到message後,即時閱讀會顯得不矜持嗎,畢竟現今有萬惡的已讀功能?回覆得太頻密的話,對方會覺得很煩嗎?這些問題足以搲爆頭!

女人拍拖心事2:  急於同閏蜜分享

男友的一舉一動,牽動著我們的情緒,我們總會思前想後,囉囉攣!閏蜜是我們的「明愛暗戀補習社」,尤其曖昧和戀愛初期,發生甚麼事,開心唔開心,都想即刻同朋友報告、分享,問她們意見!同朋友傾計,可以釋放壓力,不過同時朋友們的意見有時或者會太多,又或者她們未必真實了解情況,給予一些未必可行的建議,太多資訊也會影響到自己情緒,始終點行下一步,自己最清楚!

女人拍拖心事3:忍唔住上 Facebook, instagram 起男友底

由於空窗期了一段時間,對於戀愛確實會欠缺了信心;沒有安全感,就會多疑,想用最快的時間認識男友的一切,包括過去!Facebook 有咩friend、Instagram有咩follower 以及follow咩人,有時甚至壓抑不住好奇心,用盡方法想check男友whatsapp,感覺似是起得男友底愈多,自己愈有信心!不過知得太多係咪好?好多時最後只會令自己胡思亂想!

女人拍拖心事4:訴諸網絡,問問 google 大神

在這見手機多過見男友的年代,使用網路就能得到所有的資訊情報,一旦有甚麼戀愛煩惱和不安時,問問google大神,都會得到很多「答案」。隔了好久才再次戀愛的人,有許多戀愛方面的煩惱很難開口問人,唯有上網找尋相關的解決方案。不過,網絡的方案係咪一定用得著?就靠自己分析和衡量!

 

 

女人拍拖心事5:覺得自己唔夠完美

話哂都dry左一段時間,突然戀愛了,成個人都急於做到最好,想做到完美,留住這個好不容易才降臨的「春天」!減肥、做facial、置新裝樣樣齊,銀包啲錢都好似倒水咁。經歷了感情迷惘的空窗期,忽然有一個人闖進你的生命裡,當然會有點緊張吧,這是自然不過的反應。有啲人放唔低前度,感覺自己仲係好愛佢,呢類人可以一兩年都唔再拍拖,原因可能係唔係無人追,而係個心念念不忘都開始唔到一段新關係。

延伸閱讀:暖男在身邊?5大特徵同你分析窩心指標

延伸閱讀:新世代超模TAYLOR HILL擁有甜美臉孔、魔鬼身材:「小時候我欠自信」

YOU MAY ALSO LIKE