小心,女神變凡人!會消耗愛情的 3 件事

何渾

男人係追你既時候,一般都會頃盡全力,當你公主般百般寵愛,你想要咩只需要講就得喇,無乜嘢係做唔到既。當你遇到唔如意發發小脾氣既時候,佢都可以百般遷就,EQ極高。但當拍拖一段時間,雙方穩定落黎,當你覺得關係進一步既時候,呢個時候男人竟然開始變得挑剔,你對佢既好都覺得理所當然,究竟發生咩事?

 消耗愛情的 3 件事

1. 首先,睇下自己有冇走樣?

望清楚自己有無同以前唔同。拍拖之前嘅你係唔係連落個樓都要化妝,但依家係咪連同佢出街都懶化妝?有無因為長期無做 facial 同埋敷面膜而日久失修?以前係屋企會著性感睡衣既你,依家係咪已經扎住沖天炮辮同埋帶住厚框眼鏡? 即使男人口講話你變成咩樣佢都會咁愛你,但係請記住男人都係感官動物。愛你,當初某部分原因都係貪你幾靚,條腿幾長。膚淺?無錯,就係咁膚淺。

 消耗愛情的 3 件事

2. 其次,你係咪太好人?

自問係咪一個好女友?對男朋友生活照顧得太無微不至,執屋、拖地、抹檯、洗衫、洗碗、洗底褲,作為你既男朋友,係可以完全唔使郁嘅,安坐屋企就可以呼風喚雨?記住,男人都係鐘意挑戰既動物,當你係完全無難度既女人既時候,你已經無左當初既吸引力。唔好問我點解,呢個問題就好似你屋企已經有一個手袋,但點解你仲心思思會想買個新手袋一樣,係天性,係本能。 所以要維持一段健康既關係,你最好都邀請男朋友一起參與家務雜物,同時比番少少挑戰性佢。

消耗愛情的 3 件事

3. 最後,你係咪成日為小事鬧大交?

同上面一點完全相反,因為你知男朋友愛你,就任意妄為,小小事情大發雷霆,覺得男朋友一定會黎認錯。佢可能係好愛你唔想失去你,但當你成日因為芝麻綠豆小小事大鬧佢,雖然佢會巡例氹你,但你呢個行為絕對會泯滅愛情,當去到一個點佢忍無可忍既時候,你可能想後悔都黎唔切。

 

《延伸閱讀》「就是喜歡大叔」20 個年輕女生的愛情想法

《延伸閱讀》當一對戀人,太多違心話的時候

YOU MAY ALSO LIKE