30歲後要搞清搞楚!拍拖與婚姻的 5 大不同

isaB,edit by s.s

兩個人因愛而結合當然係件好開心嘅事,但當步入婚姻,你會發現好多事會同拍拖時候有所唔同,於是有朋友就會開始埋怨,從而慢慢步入黃面婆之路。要記得,婚姻同愛情係兩件好唔同嘅事。睇清楚以下五點,好好調整心態,爲婚姻做好準備啦。

 

 

  1. 愛情是一種失重,婚姻講求平衡。

談戀愛時候基本上處於一種失重狀態,可能成個人會溫溫燉燉,因而做出一啲好瘋狂嘅事情。但如果婚後仲處於呢種失重狀態,呢段婚姻肯定唔會長久。婚姻講求嘅係一種平衡,好似玩搖搖版咁需要兩個人不斷努力。

 

  1. 愛情是一種感覺,婚姻是一項事業。

愛情只係兩個人嘅感覺,你可以只求開心想點都得。但婚姻卻係一項事業,你需要不斷經營。作為將來孩子嘅父母,你哋必須有共同嘅目標,先可以一齊創造家庭,單憑感覺係過唔到日子嘅。

 

  1. 愛情隨時會變,婚姻是一種法律契約。

愛情話黎就黎,但亦有可能話走就走。但係具有法律性嘅婚姻卻仍然會存在,並唔會無端消失。呢個人係你老公,理論上無論點都會係你老公,並唔會悄悄地改變。

 

  1. 愛情是權利與享受,婚姻是責任與付出。

聽過一個比喻:愛情就係一場閃電,而婚姻就係為呢場閃電交電費嘅。當你係愛情中選擇你所愛嘅人,結婚之後就要繼續愛佢,同時亦要克制對其他異性嘅愛,呢個都意味着你失去一些認識異性的機會。

 

  1. 愛情是兩個人的私事,婚姻是兩個家族的公事。

結婚之前你想愛邊個就愛邊個,唔愛就可以分手,並唔會有其他切身利害關係。但婚姻係牽涉到大家及雙方家人,甚至係家族聲譽。拍拖是你可能只需對自己另一半好,但結婚係要對雙方屋企人都負責任。

延伸閱讀:戀愛空窗期太久,再拍拖會遇到的5種心事

延伸閱讀:中女怕甚麼?你也會找到一個值得你愛的人

YOU MAY ALSO LIKE