【放假用超薄粉底做偽素顏啫】編輯面對明煲暗眨的啟示

最近跟中同週末約會，一向嘴賤的A出奇道：「你唔化妝皮膚都咁好嘅？」好似讚梗你呀可？！想深一層，這一句語帶雙關：即係你唔化妝皮膚應該差，定係化妝先覺得你皮膚好？這種明煲暗眨的語言藝術，在行家之間聽慣了，就知道有骨。有口才的就過兩招，我就不擅辭令，一笑置之加個反白眼就算。

不過這一mean，就帶出偽素顏的真締：皮膚不夠好，用化妝品修飾一下，睇落自然無化妝咁，都呃得吓人。其實，懶編輯每到放假的日子，都想輕妝出門，未敢素顏上陣，就找偽素顏的方法。偽素顏來說，個人特別在意均勻膚色，用過Clarins Skin Illusion Natural Hydrating Foundation SPF15，質地極為透薄易推，妝效係半matt finish，coverage不算太高，輕輕遮到毛孔和紅印就夠，這樣子的偽素顏，疑幻似真，出門撞到ex也不會覺得尷尬。

我選擇的是 #Ivory 103，帶白一點，足夠令我面上暗啞的位置都提亮一點點，整體膚色看來均勻，cover到原本面色蒼白的病樣。當然，眉筆同唇膏都是不可或缺啦。

這樣的偽素顏妝，並不需要強力卸妝，我通常用性質溫和的Curel Makeup Cleansing Oil就夠。

用法是乾手乾面時，將佢搽上面輕輕打圈，卸妝油的「速淨水漾配方」就會迅速溶解彩妝，見到面上的粉底溶到咁上下，就可以加水乳化，用後清爽又唔會乾崩崩，更加無洗唔淨的油立立感覺。果然，日本花王出品都係信心保證！