齊齊取經!讀者分享真實減肥個案

by 柯德莉

相信每位女士都不止一次的減肥經驗,每個人都成功過、失敗過、反彈過,Cosmo早前特別在facebook向各位過來人取經,齊齊分享減肥經驗。

Q1. 你試過最有效的減肥方法是甚麼?

讀者Ma Long
「最有效的減肥方法是把我舊男友的相片貼在冰箱中,還有寫上他曾說的話:『你太肥會影衰我。』他就是嫌棄我肥而飛我。我因此而決心減肥變,令他後悔。我 把我舊男友的相片貼在冰箱中,還有寫上他曾說的話,我就會不會太貪吃,常常想打開冰箱吃東西,飲汽水食雪糕,巧克力……見到他的樣,不想開冰箱,食的意慾都變小,食得不再像以前咁多雪糕、巧克力、所以減肥得咗啊!」

讀者Bug Bug
「長跑。從小到大我都是有點肥。跑步跟我完全扯不上一點關係。但因五年前因為過肥,又用錯的方法減肥而出現了健康問題,所以我開始了長跑。我以為肥人跑步是 一種笑話,別人一定會笑我跑得很笨拙。但非也。跑友們都很佩服我,還鼓勵我。昔日的自卑感也跑走了,我變得積極樂觀,而且瘦了又美了。跑,使我重生。開始時,一星期有三天黃昏我都去運動場跑半小時,由被一個一個阿叔超過我,到半年後一星期七日都去跑一個鍾,我超過了一個一個阿叔。十分有滿足感。而且我真的得到健美的體型,更輕了5kg。」

Q2. 可否分享減肥成功經歷?

讀者Vincent Lee
「我的成功經歷是每日早睡早起,晚上九時睡覺,早上五時起身,走去附近公園跑一個圈,開頭一定是不習慣,很想放棄,但我會對自己講『一定得,俾啲信心』,經過三個月,巳感到身形有明顯效果,肥胖好似遠我而去了,真的很高興。」

讀者Kaye Chan
「我的成功減肥經驗, 就真係跟足我之前講的方法, 我係毎日都會食代餐, 但係只代一餐,就係中午個餐,夜晚我都會食飯,但就會食好少量的肉和多食菜。我都會食零食,但係就只會食一些健康餅乾,因為成個晏晝流流長,完全唔食嘢,真係好難習中精神,我此時可以食少少水果。另外我真係日日就係屋企對住塊鏡,睇電腦短片,不停跳健身舞。大約一個月左右,減咗差唔多10磅呀,因為成日扭腰同埋個pat, 線條都變得明顯咗。最重要的是要成日都開心和學識欣賞自己個身體,唔能夠不停咁不滿自己,咁樣只會更負面,做幾多嘢都冇用呢!」

Q3. 可否分享減肥失敗個案?

讀者Wilson Tang
「少量多餐減肥法我已經證實是行不通的減肥法,因為一般人很難定義『少量』到底是多少才算少量?我覺得是少量的餐,說不定對我來說已經是超量了,結果少量沒做好,多餐倒是做得很確實。結果變成多量多餐,反而更慘!」

讀者Vincent Lee
「我的失敗個案是聽人講食少一點,但真是很辛苦,還令到胃部經常肚痛,而且經常頭痛、頭暈,差點暈在巴士上,在公司又不能集中精神,時常做錯事,經過幾個月,身體逐漸變差,皮黃骨瘦,肥胖沒有了,還過瘦了,營養又不足,每日都好似行屍走肉咁,最後看了專科醫生,才知道節食減肥是只有壞處,沒有好處 的。」

LOAD MORE