最可愛嘅眼線筆！LoveLiner x Sanrio 聯乘妝品

日本品牌LoveLiner嘅眼線筆出名筆頭尖細柔軟，即使係新手亦都容易上手，輕易畫出完美眼線。最近LoveLiner再度同Sanrio Characters攜手合作，推出5款聯乘限定品眼線筆。

5款卡通人物分別有Kuromi、My Melody、布甸狗、Hello Kitty 同玉桂狗，設計簡單又可愛啊。

新一年係時候換過新嘅化妝品啊！Sanrio粉絲一定要帶佢哋返屋企，係好可愛嘅聯乘眼線筆啊。

（photo: ig @ k_lily51）

True Black嘅眼線筆當然由暗黑系卡通Kuromi為代表，濃密而幼細嘅線條，畫出迷人閃電嘅眼神！

若果想想自然得嚟又不失可愛風格，Baby Brown可謂絕配！以呆萌嘅布甸狗為代表，蜜糖啡色眼線，讓人看上來既無辜又甜美呢！

（photo: ig @ snyon212、pmpmtn__）

眼線共有5款選擇！

如果唔想一成不變，每次只用黑色眼線筆嘅話，另一款Dark Brown比黑色畫出嚟稍為柔和，睇起上嚟眼神都無咁凌厲，配上My Melody圖案，散發可愛感！

女生偶爾都想換換新風格！Burgundy Brown同Hello Kitty幫你一次過完成願望！迷人嘅酒紅色比其他顏色相對鮮豔，會令眼妝一下子變得獨特又唔誇張，同男朋友約會或喺派對上，更加迷人。

仲有玉桂狗嘅Grege Brwon，具透明感嘅灰色可以話係每個人都應擁有嘅百搭顏色，較黑色自然，又比啡色神秘，絕對值得入手！

眼線筆嘅筆頭尖細柔軟，好易就可以畫出靚靚眼線！

每枝售價為1728円，想了解詳情也可到官網看看。