我生暗瘡得罪你?暗瘡肌女生最不想聽到的五句說話

我生暗瘡得罪你?暗瘡肌女生最不想聽到的五句說話

本身是暗瘡肌,用錯護膚品會生暗瘡,唔夠瞓又會生暗瘡,period前又會生暗瘡(男仔就好啦),食少少熱氣嘢又會生暗瘡......點解要咁對我?

By COSMO

一句激嬲暗瘡肌(一個皮膚好好嘅人講):「唉死啦,塊面『生左粒暗瘡啊!』」然後就好擔心咁成日照鏡。

暗瘡

暗瘡肌女生心諗:「你講呢句嘢之前有無諗過我感受?你嗰一粒暗瘡仔真係要用顯微鏡放大睇先睇到……望吓我塊面先啦!!!!!」

生暗瘡成因:肌膚長出暗瘡,與皮脂分泌有莫大關係,另外很大可能是因為壓力大、身體排毒功能差、休息不足、飲食不均衡及月經不調而引發暗瘡。

一句激嬲暗瘡肌:「搞咩皮膚差咗咁多㗎?無敷mask啊?」

暗瘡

暗瘡肌女生心諗:「唔係你諗得咁簡單㗎,你估敷塊mask皮膚就會好返?魔法咩!仲有,我平時已經有敷……」

Tips:究竟面上有暗瘡能夠敷面膜嗎?可以,但絕對要慎選產品成分,盡量避免敷美白類及含油類成分的滋潤型面膜,因易刺激暗瘡,而太潤亦會為肌膚帶來負擔,增加出暗瘡機會。暗瘡肌女生最好揀選gel狀的清爽保潔類面膜,以及不含香料及化學成分的面膜,可紓緩皮膚泛紅問題,但敷完面膜後最好也用清水洗走殘留精華液。在暗瘡發炎期間,也可以化妝棉沾上冷水敷臉數分鐘,都有紓緩效果。

一句激嬲暗瘡肌:「都叫你唔會食咁多煎炸嘢㗎啦!」

暗瘡

暗瘡肌女生心諗:「我已經好少食,仲食得好清淡,但暗瘡都係唔好,你究竟想我點?」

Tips:雖說暗瘡肌應盡量少食油膩煎炸食物,但其實並沒有研究證明高熱量食物會導致生暗瘡,這都是因個人體質而異,最好是詢問醫生。油炸食物之所以可能令皮膚變差,出現暗瘡,是因為大部分都用了大量麵粉作外皮,而麵粉的升糖指數很高,暗瘡肌攝取過多糖分,就會令暗瘡惡化。因此,暗瘡肌要食用低升糖指數的食物如無糖綠茶、蔬菜及富含豐富營養的魚類等。另外,有研究報告指出吃過量帶殼海鮮和飲用過量牛奶都有機會令暗瘡惡化,亦會令疤痕更難好。

一句激嬲暗瘡肌:「哇!你粒暗瘡有膿啊!擠清佢先會好㗎!」

暗瘡

暗瘡肌女生心諗:「難道你會覺得我見唔到?我啲皮膚一擠就易留印,唔似得你地皮膚好擠完好快就好返……」

Tips:暗瘡有膿應唔應該擠走?暗瘡分為幾類型,內包暗粒型、膿皰型暗瘡和囊腫型暗瘡。醫生也提醒大家若發現暗瘡有膿時,不要手痕去擠,因雙手細菌易令暗瘡感染,亦容易破壞皮膚真皮層,留下暗瘡印、疤痕、甚至變成凹凸洞,特別是暗瘡已被擠出血水時,很大機會會留疤。若是嚴重型含膿暗瘡,必須找醫生處理。

一句激嬲暗瘡肌:「咁耐都無拍拖嘅?係咪因爲皮膚問題啊?如果你無哂啲暗瘡一定好靚女/仔啦!點解搞成咁啊?快啲搞返好你啲皮膚先啦……下刪一萬字」

暗瘡

暗瘡肌女生心諗:「鬼唔知咩!!!!!!真係寧願你扮睇唔到⋯⋯」

暗瘡肌膚要承受的壓力很大,因為皮膚問題令人失去自信,情緒低落。有些時候,你可能是出於好意想幫朋友,但一句說話都可能會令人受傷。暗瘡肌膚女生千萬別灰心,去暗瘡是一條漫長的路,只要改變生活及飲食習慣,挑選適合你肌膚的產品,抱有正能量(心情絕對是影響皮膚的一大因素!),暗瘡終有一天會痊癒的,內在美比起外在美更重要!

LOAD MORE