feature

小薯茄童童、阿冰及麗英專訪|分享上鏡化妝重點、空氣瀏海保養及護理長髮貼士

小薯茄童童、阿冰及麗英專訪|分享上鏡化妝重點、空氣瀏海保養及護理長髮貼士

本地熱門YouTube頻道小薯茄成立 5 年來儲集近44萬粉絲,榮獲 2021年香港YouTube十大熱門創作者第四位,人氣持續高漲!三位人氣女主持童童、阿冰及麗英的曝光率更是愈來愈高,除了自家製節目,更涉獵不同時尚和美妝廣告、綜藝節目、電影和電視劇等,身兼網紅KOL和女演員的她們,究竟私下點睇自己?有甚麼扮靚貼士?三位邊個最懶、最貪靚,以下訪問相信可解答到。


小薯茄童童

小薯茄童童

蔡曉童,藝名童童,芳齡 23 歲。超童顏外貌成為小薯茄團隊中的可愛代表,懂得日文、法文和西班牙文等多國語言。她自覺體內住著一個老靈魂,也是遊戲中的老歌專家。

Q1.最喜歡自己樣子哪部位?最討厭自己樣子哪部位?請解釋一下。

最喜歡自己樣子哪部位?最討厭自己樣子哪部位?請解釋一下。

童:

我最鍾意自己對眼,多謝媽咪賜一對大眼畀我。由細到大,好多人第一眼望到我都係spot到我對眼,然後會讚我對眼好大好靚,漸漸大眼就係我嘅象徵。細個玩online game ,我都改過個名叫「大眼妹」。

我最麻麻地自己嘅面型,因為睇落好包,如果一遇上水腫就仲麻煩,鏡頭影落個人會再肥啲。

Q2.自己化妝最在意哪個位置?

Q2.自己化妝最在意哪個位置?

童: 我最在意底妝,因為底妝化得好,成個人望落會精神啲同氣息好好多。而我係一個皮膚好乾燥嘅人,好多時都要提早保濕,底妝先會貼服,所以我花最多心機於底妝。

Q3.出鏡上妝前必備的護膚及打底產品

Q3.出鏡上妝前必備的護膚及打底產品

童:

1. First Aid Beauty Ultra Repair Cream:呢個係我去camping唯一會帶嘅護膚品,佢同我嘅皮膚好夾,用完塊面唔會好笠,唔會睇落好油。因為我有鼻敏感,個鼻成日會乾甩皮,所以要成日用保濕,先唔會成個鼻頭都係皮,尤其上鏡會好明顯。

2. Skin Need Just Toner:化妝前一定要用toner打個底先,呢一隻toner係唔笠同適合我膚質嘅,通常上cream前我就會拍少少上面,會易吸收啲。

3. Media Makeup Base R Orange:呢一隻Base拎嚟打底非常好,夠濕潤而且可以提亮膚色,我好多時粉底都唔上,呢一隻係我嘅化妝袋必備。

Q4. 聽說你會為同事化妝,你覺得最困難的是甚麼?

Q4. 聽說你會為同事化妝,你覺得最困難的是甚麼?

童:

我通常會喺經理人Kiko唔喺Office嘅時候,幫程人富、阿J、肥蚊或朱mic化妝。最困難係要幫佢哋上粉底,因為我自己唔用粉底,我唔識分邊隻粉底顏色適合佢哋。有次仲搞出個大烏龍,嗰日我幫要拍廣告嘅程人富同阿J化妝,但我揀錯咗深色好多嘅粉底顏色。最後佢哋愈拍愈覺得唔妥,唔知點解塊面好似一達達色咁,條片最後出到嚟,佢哋好似成面泥咁。

Q5. 如何保持你的瀏海清爽有空氣感?

Q5. 如何保持你的瀏海清爽有空氣感?

童:

我嘅秘訣就係每朝再用洗頭水洗一次瀏海,再吹乾一次,然後用直髮夾夾彎。呢個習慣我已經維持五年以上。因為瞓完一覺,會壓到瀏海啲頭髮飛起曬,睇落一條條好笠。香港係好潮濕嘅地方,要由夜晚沖完涼keep到另一晚係冇可能的。朝早砍掉重練,重新洗一次瀏海先係上策。

Q6.因工作捱夜,竪日會做甚麼急救皮膚?

Q6.因工作捱夜,竪日會做甚麼急救皮膚?

童: 

我係一個懶人,未到上唔到妝我都唔會急救皮膚。但如果聽日嘅拍攝好重要,我會保險地夜晚敷一塊面膜,通常敷完面膜第二日都唔會出咩差錯。但每日敷太麻煩,因為工作我先會咁做㗎咋!

Q7.你的comfort food是甚麼?

Q7.你的comfort food是甚麼?

童:

我嘅comfort food 好fresh,係我鍾意食嘅蔬菜,有三樣係好慰藉到我嘅心靈:秋葵、萵筍、菜心。無論打邊爐定食住家餸,只要有呢三樣蔬菜我就會好開心。記得有一次病咗,完全冇食慾,然後我叫咗一個蠔油菜心,胃口即刻返晒嚟,連隔離碗米線都食得落。

成為 CosMart 會員,儲積分可換領專屬優惠

小薯茄麗英

小薯茄麗英

鄧麗英,人稱麗英,芳齡24歲。自2019年在ViuTV電視劇作品《教束》參演後,獲邀加入小薯茄。雖然顏值不算高,而且身高只有148cm,但其率真個性已俘虜一大批女漢子!通曉日文,經常在社交平台自彈自唱,歌聲像清泉一樣甜美,也有多首出道作如《矮妹正傳》、《明明單身最開心》等。

Q1 最喜歡自己樣子哪部位?最討厭自己樣子哪部位?請解釋一下。

Q1 最喜歡自己樣子哪部位?最討厭自己樣子哪部位?請解釋一下。

英:

我最鍾意係自己嘅牙~因為我係天生生得非常整齊(齊到個個都以為我箍過牙),所以從來都可以毫無顧忌咁大笑,呢點令我好鍾意自己排牙。

我最討厭自己應該係鼻,因為呢我個鼻係好脆弱,唔小心俾人撞左一下就會係咁瘋狂打乞嗤🤣另外就係我有鼻敏感,所以我就好想換過個鼻!

Q2.自己化妝最在意哪個位置?

Q2.自己化妝最在意哪個位置?

我最在意就係眼睛,因為眼睛係靈魂之窗,好似畫咗眼線同埋冇畫眼線其實個感覺去差好遠,同埋唔同嘅眼妝可以令你散發出唔一樣嘅感覺,所以眼妝對我來講就係最重要!

出鏡上妝前必備的護膚及打底產品必備Avene 舒護活泉水和Shu uemura 妝前底霜。

Q3.單眼皮女生有甚麼好處和壞處?

Q3.單眼皮女生有甚麼好處和壞處?

英:

單眼皮女生嘅壞處係水腫時會好明顯,同埋有時候俾人嘅感覺都唔太精神🤣

好處就係我覺得單眼皮嘅女生可以營造一種好型格嘅感覺!另外都可以貼雙眼皮膠紙變雙眼皮,所以隨時想單眼皮又得,雙眼皮都得!

Q4.見你為廣告和雜誌試了很多百變的化妝造型,你較喜歡哪個?還想試哪種造型?

Q4.見你為廣告和雜誌試了很多百變的化妝造型,你較喜歡哪個?還想試哪種造型?

英:

我比較鍾意型格的妝容,因為嗰種形象平時比較少呈現出嚟,所以我覺得好有新鮮感。另外我仲想試一啲好誇張,例如造型會用到好多顏色,或者會喺面上面繪畫嘅造型。

Q5. 熱愛日本文化的你,最想擁有日本女生哪些特質?

Q5. 熱愛日本文化的你,最想擁有日本女生哪些特質?

英:

我希望可以好似日本嘅女仔一樣有自己獨特嘅風格,因為佢哋通常都係好大膽嘗試唔同類型嘅衣服,亦都對自己嘅衣着好有自信,所以普遍我覺得佢哋係好特別好容易留低印象。

另外就係日本女仔擁有嘅透明感,因為日本女仔好細緻,所以係髮型妝容定係衣着都十分講究,令到佢哋簡單得來都可以好靚。

Q6.你的comfort food是甚麼?

珍珠奶茶走冰走甜。

小薯茄阿冰

小薯茄阿冰

吳冰,人稱阿冰,芳齡 25歲。樣貌清麗,擁有非一般傳統美女的個性和氣質,曾任Dear Jane《銀河修理員》和193《睡到三點》的MV女主角。

成為 CosMart 會員,儲積分可換領專屬優惠

Q1最喜歡自己樣子哪部位?最討厭自己樣子哪部位?請解釋一下。

Q1最喜歡自己樣子哪部位?最討厭自己樣子哪部位?請解釋一下。

冰:

最鍾意自己嘅眼睫毛,因為夠長,以前度過有1cm,哈哈。
最唔鍾意係除咗眼睫毛嘅所有嘢,因為全部都差少少我先滿意。

Q2.自己化妝最在意哪個位置?

Q2.自己化妝最在意哪個位置?

冰:化妝我最在意膚質,因為我覺得打底打得好,皮膚靚,其他嘢先會靚。而我比較鍾意用有防曬功能嘅打底產品,因為防曬係護膚好重要嘅一步,所以化妝前點都會搽。

阿冰至愛的兩款打底產品,分別是Eucerin的防曬眼霜和Charlotte Tilbury的Magic Cream。

阿冰至愛的兩款打底產品,分別是Eucerin的防曬眼霜和Charlotte Tilbury的Magic Cream。

Q3.你會如何護理長髮,保持柔順?

Q3.你會如何護理長髮,保持柔順?

冰:

我會定期去搵髮型師焗油,同平時洗完頭喺頭髮半乾半濕嘅時候搽髮尾油。如果造型前,噴濕個頭再吹頭會令髮質望落去變好,set頭都會易啲。

Q4.上鏡前如只能set頭或化妝二揀一,你會點揀和處理?

Q4.上鏡前如只能set頭或化妝二揀一,你會點揀和處理?

冰:

Set頭,因為我比較care髮型,同埋試過set好頭未化妝vs同化好妝未set頭,係前者比較好睇。

Q5.聽說你會為同事set頭,可分享心得/tips?

Q5.聽說你會為同事set頭,可分享心得/tips?

我都係喺平時出去做嘢嗰陣髮型師幫我set頭嘅時候留意多啲技巧,想實踐一下,所以搵佢哋畀我試下,我覺得幫人set頭嘅心得係聆聽,因為好多人都會知道自己點樣係最靚,你聽佢意見去整,就會整到佢心目中覺得自己最靚嘅樣。

Q6.你的comfort food是甚麼?

Q6.你的comfort food是甚麼?

我好鍾意食糖,雖然食得多糖份對身體或者皮膚都唔好,但食完會好開心,所以唯有拎個平衡,食少啲。

成為 CosMart 會員,儲積分可換領專屬優惠

後記:

後記:

編輯同時向三位問:如果你們三位組成女子組合,會以甚麼造型和名稱出現?三位都不約而同地回答:唱K小薯仙,因為她們都好鍾意《唱K小魚仙》這套卡通片,麗英強調「要保留呢個名同埋佢哋嘅夢幻造型,唱我哋自己鍾意嘅歌!」童童更說「我哋三個都有小小中二病,鍾意對付壞人(程人富)、拯救世界。希望有一日我哋可以變身造型咁着出嚟!」看來三位心有靈犀、情比金堅,勇氣更是可嘉!大家一定十分期待這隊組合出道呢!

相關影片
MORE FROM
想知編輯實試各款美妝品評價?訂閱Cosmopolitan電子報!
提交

感謝閣下訂閱Cosmo電子報。
閣下將收到一封電郵確認,謝謝支持!

閣下已註冊Cosmo電子報,請按下註冊電郵上的連結,以激活閣下的帳號。
如果未收到註冊電郵,請按此重發。

閣下已曾註冊Cosmo電子報,請前往設定更改閣下的訂閱選擇。

據系統顯示,閣下為CosMart會員;如想訂閱Cosmo電子報,請前往CosMart後台設定 - 接收電郵設定更改閣下的訂閱選擇。

LOAD MORE