擺脫婚後黃面婆稱號！素顏依然keep住紅潤氣息

點解結左婚之後總喺擺脫唔到「黃面婆」嘅稱號？尤其素顏時，面色暗啞、粗糙膚質等問題立即浮現，究竟喺因為已經名花有主而懶得化妝？定喺因為忙住照顧家庭而忽略咗自己？無論喺咩理由都好，女人唔keep真係好易老，雖然結左婚但仍要保持美麗自信，不妨參考以下方法，助你於素顏時依然keep住紅潤氣息！

素顏紅潤法1. 飲湯水

透過食療改善氣息是最健康長效的方法，做左人妻之後點都要入下廚房煮下家常便飯，不妨煲多啲有效令面色紅潤嘅湯水，可以養顏之餘又可營造好太太形象。可以多煲含紅棗、杞子、山藥、龍眼肉和南瓜等食材的湯水，它們都有補虛益氣、養血安神的作用，可有效改善蒼白和蠟黃面色。

↑大S、小S婚後在社交平台常以素顏示人，喺素顏狀態下依然keep到好氣息令佢地望落依舊猶如少女!原來大S平日就愛煲湯，而閨蜜們對她的薏仁排骨山藥湯更是讚不絕口！

素顏紅潤法2. 做運動

運動時皮膚的溫度會上升，積聚於體內的濕氣亦可以藉助汗水而排出。每星期抽出少許時間做運動，如出門急步行30分鐘或在家中做燃脂workout，可以加快血液循環和排毒，皮膚慢慢就會回復紅潤氣息。

↑索爆人妻應采兒的苗條身段與好氣息全靠平日努力運動，她亦時常於Instagram分享健身成果。

素顏紅潤法3. 穴位按摩

每晚睡前按摩以下穴位，以拇指在穴位上輕按5秒，放手再重覆此動作10-15下，可以令毛細血管和淋巴管吸收養分，從而排出廢物，有效改善氣血及暗沉面色。

Photo source:yukyu-h.com

血海穴
位置：大腿內側、膝蓋上方。
功用：補血養肝，調理月經不順、 貧血等問題，可以滋潤皮膚和增強紅潤氣息。

三陰交
位置：小腿內側，內足踝高點上三寸（大概四指橫寬度），脛骨後方。
功用：補血活血、緩解脾胃虛弱及緊緻面部肌肉。

大都
位置：足內側緣，第一跖趾關節前下方凹陷處。
功用：健脾排毒，改善便秘和手腳冰冷問題。

素顏紅潤法4. 偶爾也要好好對待自己

工作與家庭雖然重要，但婚後也要擁有私人時光，保持樂觀積極的心情才能令面色紅潤有光澤。周末偶爾讓自己去看個電影、做個SPA或是到郊外呼吸新鮮空氣，為沉悶的生活增添樂趣。

↑周汶錡婚後同老公依舊咁sweet，有小朋友之後仲會去燭光晚餐過下二人世界。偶爾小酌一下，不但可增進雙方感情，亦可釋放壓力，紅酒仲有令面色紅潤同抗氧化效果！

素顏紅潤法5.局部上妝

有咗家庭之後少咗好多時間或心機打扮自己，平日唔夠時間化全妝，其實只要局部上胭脂同遮瑕已經可以打造好氣息嘅「偽素顏」，選擇透薄嘅產品就唔會出現厚粉情況，神不知鬼不覺！

YSL TOUCHE ÉCLAT 25 STAR EDITION $385 (於5月4日推出）

可簿簿一層塗於眼底、鼻樑及下巴等位置，創造自然的光澤肌膚。

Guerlain Petite Robe Noire Lipcheek $280

液狀胭脂能輕易與肌膚融合，用後有白裡透紅感覺。