女人結婚後，要用心經營的不止是婚姻關係，更有極為惡搞的婆媳關係。FB 專頁《我的極品四大長老》經常都有新抱投稿，大呻婆媳相處。不過最近就有新抱寫下千字文，感激奶奶在婚前婚後的照顧，待她如親生女，引來過千like，更有不少網民新抱大表羨慕！
登入 瀏覽本網站，可獲取積分換領專屬優惠
點擊查看專屬優惠
女事主稱，未結婚前到男家食飯，兩老非常好客，不願讓自己幫忙，只著她我坐著等吃，連去旅行都會買手信給她。當然，有人指未過門始終是客，以禮相待是正常的，但當女事主跟男家兩老宣佈婚訊時，兩老高興之餘，更沒有有騎劫婚禮，非常體貼！
不少新娘都大呻未來奶奶對婚禮諸多要求，既要大排筵席，又要有體面。而女事主指奶奶對婚禮要求亦頗高，卻沒有太多意見，完全放手給她操辦，只查詢基本資料如親戚到場時間、泊車資料等，可見非常信任新抱眼光。奶奶更直言只要求穿紅色裙敬茶。女事主也十分識做，穿上傳統裙褂敬茶，滿足奶奶。
女事主：「奶奶亦都講過『相見好同住難』，所以不介意兩人搬出去住，連首期都幫手plan好。」女事主亦沒因此而濫用兩老的積蓄，基於能力所限，自己決定輪候公屋，而奶奶更明言把預留的金錢作為兩人將來買居屋之用。
當時還未入門的女事主適逢有突發家事，需要盡快搬到公屋單位。女事主指自己既要忙婚事，又要忙搬屋，幸得未來奶奶幫忙，連日趕工，才可盡早搬遷。
女事主新婚後不久，即收到嫲嫲離世的噩耗。奶奶不但主動致電新抱安慰：「唔好難過，嫲嫲能夠見證你嫁，已經係冇憂慮咁離世。」更明白兩夫婦心情沉重，在自己60歲大壽時沒有要求兩夫婦慶祝，只留在家低調食飯，非常尊重。
至於平日相處上，奶奶亦當新抱如親生女般看待，即使女事主因輪班工作，未能經常陪老公回男家食飯，奶奶都會為新抱多做一個飯盒，供翌日上班帶飯，令女事主非常驚喜。有時更會煮補品如新抱補身呢！
最近，女事主指媽媽因大病要入院做手術，奶奶也非常照顧親家：「有次上去食飯，奶奶就問下親家近況，我先講我媽出大事，奶奶二話不說，第二日親自買好晒料煲湯、整好晒啲餸俾我媽媽食，仲要係送埋上門。到呢刻佢都keep住攞湯同餸上去俾我媽。」
至於在生仔大計上，也可從字裡行間感受到奶奶有多為新抱著想：「奶奶話生唔生仔都唔緊要，但決定要生的話就早啲生，因為遲生會復原得慢。」
女事主非常感謝奶奶的付出：「我唔知道如果將來有小朋友，我哋會唔會有好大分歧或者鬧交，至少呢一刻，我很感激奶奶咁錫我同埋照顧我媽，同時間我都好多謝老爺喺我有需要嘅時候出盡全力幫手，多謝你哋！」
有網民留言指「好羨慕你，我就冇呢種福份」、「睇到呢啲post真係覺得呢個世界仲有希望」、「真心好奶奶難求，要好好珍惜！」，更有人指「一直以為世界上10個人有11個都有婆媳問題」，能夠擁有無血緣關係的長輩對你真心付出，絕對是難得的福氣。
立即訂閱接收Cosmo最新潮流資訊
訂閱電子報，獲得更多資訊、體驗及禮遇