一個女生受邀出席婚宴唔係罕有嘅事，唔使panic，以大方得體為原則，you will be fine。
登入 瀏覽本網站，可獲取積分換領專屬優惠
點擊查看專屬優惠
1. 適時RSVP：
喺收到請帖一個星期內盡早回覆出唔出席到，等一對新人可以及早預算，係幫到佢哋好大忙架！如果張請柬只係俾你一個，就唔好自作主張加多個人名落去。
2. 睇睇有邊啲fd都收到帖：
如果你哋之間有啲共同朋友，不妨睇下邊個會出席，但就唔好逐個fd打聽有無收到請柬，陣間有啲人有份有啲人無，就尷尬喇。不妨直接問新人
是但一個，有邊啲你識嘅都受到邀請。
3. 適當做禮：
呢個係好多人每次出席婚禮/宴前都糾結一陣嘅問題，大概都係衡量下婚禮/宴形式、目前公價人情係幾多、自己同新人間嘅交情等；至於要唔要另外買份禮物/寫張賀咭，可以隨心，或者同共同朋友夾份都係唔錯嘅選擇。
4. 表現自然：
婚宴/禮當日，如果未見到熟朋友，自己都ok嘅，微笑永遠無板撞，無乜事就唔好淨係睇電話，咪觀察下嗰晚有咩事發生、有咩人出現囉，雖然可能都係有嗰啲播舊相片環節，不過有啲相、有啲moment係你無見過嘅，就當對朋友嘅新發現囉。
5. 識新朋友：
有時我哋會被安排同一啲唔識嘅人一齊坐，咁都唔使當佢隱形嘅，禮貎打個招呼，自我介紹一下，畢竟佢成晚都會坐喺你隔離，互相招呼下、傾下閒偈係普通禮貎，而且新人朋友應該係有考慮過你哋適宜坐埋一齊（唔會火星撞地球）先至會咁樣安排。
立即訂閱接收Cosmo最新潮流資訊
訂閱電子報，獲得更多資訊、體驗及禮遇