feature

大專生拍拖4個月奉子成婚|Hilary、Achilles結婚3年被逼長大:「人生次序倒著走,學懂承擔!」

大專生拍拖4個月奉子成婚|Hilary、Achilles結婚3年被逼長大:「人生次序倒著走,學懂承擔!」

生兒育女從來都不是一件輕易而舉之事,能夠在有足夠準備的情況下成為父母,當然是最理想,然而上天往往就是喜歡「搞事」,帶給人們考驗,帶給人們成長。現年23歲的Hilary和Achilles,本是大專design的同班同學,3年前拍拖短短4個月,將近畢業之時發現小生命的降臨,頓時打亂他們人生的計劃,卻讓兩人從此長大。


感情未深厚已要走一輩子 「離婚」當「分手」是家常事

20歲同班同學拍拖4個月奉子成婚 Hilary、Achilles:初頭將「離婚」當「分手」掛喺口唇邊

Hilary和Achilles都是20出頭的年輕人,書還未讀完就要肩負起成家立室,當別人的老公、老婆;當別人的媳婦、女婿;當別人的爸、媽的角色和責任,他們均坦言並非易事,Achilles:「由當初要面對家人,已經係一個好大嘅難關,試諗吓20歲人喎,貿貿然要同父母交代,佢哋要做人爺爺嫲嫲,你係估唔到接住落嚟佢哋會有啲咩反應。」

20歲同班同學拍拖4個月奉子成婚 Hilary、Achilles:初頭將「離婚」當「分手」掛喺口唇邊

而Hilary都有跟編輯表示家長們的反應都是非常大,大得也曾「嚇窒」他們。不過,雖說婚姻是兩家人的事,但建立一個三口子的家庭,走過一輩子的始終也是他們三個人的事。Achilles也坦言有糾結過:「當初同老婆不斷商量生定落好,跟住糾結咗幾日,最後都係決定同父母交代,始終都要做決定。」

20歲同班同學拍拖4個月奉子成婚 Hilary、Achilles:初頭將「離婚」當「分手」掛喺口唇邊

而兩人最終的決定就是「生」!因為Hilary覺得:「點都係一個生命,我真係做唔出。」就是這一份堅持,成就一家三口小幸福的家庭。Hilary:「嘈交一定有,因為我哋對對方了解又唔深,相處亦都唔算耐,我哋開頭都會將『離婚』當『分手』一樣掛喺口唇邊,不過一、兩日之後又會無事,到宜家就係可能一個鐘都冇咩野,因為好多事都係好皮毛事。」

編輯表示,這不叫嘈交,這叫情趣。

女兒是上天的禮物 學懂承擔、逼著長大

20歲同班同學拍拖4個月奉子成婚 Hilary、Achilles:初頭將「離婚」當「分手」掛喺口唇邊

今年,Hilary和Achilles的女兒已3歲,3年間兩人由莘莘學子成為女兒的父母,兩人坦言並非易事,Achilles:「始終只係20出頭,覺得結婚同自己仲有一段距離,而且擔心自己有冇能力提供一個好嘅環境比小朋友成長。」

20歲同班同學拍拖4個月奉子成婚 Hilary、Achilles:初頭將「離婚」當「分手」掛喺口唇邊

女兒初生時,更被診斷出患上罕見的基因病,讓他們的情況更雪上加霜,Hilary:「阿女出世之後有份基因報告,話佢患上罕有基因病Beta Ketothiolase Deficiency,當刻真係好驚,全球係勁少個案,少中之少,網上又完全咩資料都無。」

20歲同班同學拍拖4個月奉子成婚 Hilary、Achilles:初頭將「離婚」當「分手」掛喺口唇邊

不過,即使情況有多壞,兩公婆只要一條心,甚麼難事都是nonthing,Hilary:「最心痛最難受係佢喊住俾人捉實四肢抽血,嗰刻個心情真係好痛,又完全幫唔到個女,返到屋會喊,好內疚。不過嗰陣老公就同我講『你望下呀女,幾活潑,完全唔似有事,唔好嚇自己,佢同普通BB無分別㗎。」Hilary當下發現自己原來鑽了牛角尖,不過這都源於母親對女兒的愛。

編輯詮釋,這叫成長。

人生次序倒著走 幸福順著去

20歲同班同學拍拖4個月奉子成婚 Hilary、Achilles:初頭將「離婚」當「分手」掛喺口唇邊

現在,Hilary繼續學業,邊當學生、媽媽,閒時更返Part-time和學日文;Achilles就全職工作,擔當起養家的責任,雖然女兒的出生打亂了他們人生的道路,但比起很多剛讀畢業前路茫茫的後生仔,他們卻反而更清楚自己的路,Hilary:「原先有好多諗法,讀完個design點都試下自己可以去到咩程度,例如30歲前想嚟個working holiday,又或者周圍去玩吓、遊歷下。有咗個女之後,好多嘢都以佢為先,宜家都係佢返學我先再讀返個degree。」

20歲同班同學拍拖4個月奉子成婚 Hilary、Achilles:初頭將「離婚」當「分手」掛喺口唇邊

Achilles:「個腦會幻想同個女嘅成長,睇住佢學行路,返學、結婚、生仔,呢一啲嘅畫面不斷浮現係腦海中,所以想有份好工,方便湊個女,陪佢一齊成長。同埋希望可以同老婆係呢段時期,由阿女識得獨立自處之後,同老婆有返多啲二人世界嘅時間。」

Hilary更表示自己也要在女兒身上學習:「我覺得有時佢似媽咪多過我,佢會take care我,幫我抹咀同我蓋被瞓教;又或者似兩姐妹,佢share嘢比我食,又叫我飲水,所以我到宜家都冇咩感覺係我係佢媽咪,只係可能我會將以前細個媽咪做得啱嘅繼績做,唔啱嘅就更正,用自己方法教佢或相處,彼此學習成長。」

 

成為 CosMart 會員,儲積分可換領專屬優惠
20歲同班同學拍拖4個月奉子成婚 Hilary、Achilles:初頭將「離婚」當「分手」掛喺口唇邊

有些人說,奉子成婚的婚姻不幸福,因為兩人是「逼著結婚」,但當兩個人選擇共同承擔、面對,往後的日子都因著初衷而走下去,婚姻幸福與否就已是兩人餘下日子,一輩子的選擇和經營,跟奉不奉子成婚沒關係。年少,不代表不懂為人父母,要當一個怎樣的父母、怎樣的人,只要願意,即使荊棘滿途也能當得盡責、優秀,正如婚姻一樣,一切都是個人選擇。

相關影片
MORE FROM
LOAD MORE
全新會員獎賞計劃 
搜羅潮流最新優惠

本公司旗下雜誌會員計劃 Cosmo BFF Club 已升級為 CosMart 會員獎賞計劃。

上嚟 CosMart 網站、Facebook 及 Instagram 留意我哋最新最熱優惠著數,令你嘆、住、食、買、玩都可以花得精明、買得聰明、玩得盡興。

仲等?立即登入/登記賺取積分,獲取更多獎賞驚喜!