5個極限角色！最強姊妹團是如何煉成的

Relationship 婚禮婚前

新娘同姊妹團之間，有啲親過家人。
但有啲都會隨婚宴推進，稍有爭執，甚至心病。

究竟大婚將至！！點揀姊妹團先最好，又邊類人做邊個角色最無敵！

by 河嘉祔瑪

21 Jan 2018

新娘同姊妹團之間，有啲親過家人。
但有啲都會隨婚宴推進，稍有爭執，甚至心病。

究竟大婚將至！！點揀姊妹團先最好，又邊類人做邊個角色最無敵！

佢睇落去柔弱！但其實拎得又捱得！佢外表女子內裡漢子！
成日有兄弟團投訴姊妹團懶，唔做嘢！

只要有佢喺度，足以向男生證明女士嘅強大！

你有咩要搬！佢由朝幫你頂到晚，冇怨言！

一個婚禮，要靚要惹人豔羨，就要有一個Art drector！
啲嘢本身好靚，都有不同擺法！

呢個女生可以幫你係微細處，令你嘅婚禮更加完美。

好多人覺得「伴娘」就係行行企企，其實大錯特錯！
一個新娘子成唔成功！「伴娘」居功至偉！

由朝早斟茶，mark返啲金器，check住個時間、睇住啲物流。到證婚時新娘嘅裙尾，個妝有冇出事、頭髮使唔使執執……等等，再加不同突發事件！

如果你個「伴娘」係有經驗人士，自然手到拿來。

姊妹團之中，點少得一個親和力極強嘅漂亮女生？
佢睇得、又talk得，將姊妹團同兄弟團打成一片！

有佢喺度，兄弟團戰力3倍上升！

而且能言擅辨，同唔同party夾流程佢最好，上台做埋mc都冇問題。

佢嘅用途好簡單！
有佢！

你嘅開門利是，會收多一倍（雖然都係你老公嘅錢！）
玩新郎時個效果會好啲（一睇早拍晚播你就會明！）

佢對兄弟絕情！
因為佢啲感情畀晒你呢個新娘呀嘛！