feature

賓客去飲十大注意:別因小差錯破壞人家的婚禮!

賓客去飲十大注意:別因小差錯破壞人家的婚禮!

辦過婚禮的過來人都會同意,一場婚禮就如一場show,千辛萬苦才準備好一切,只為賓客開心出席,自己留個美好回憶。身為朋友,收到喜帖準備去飲,都有注意事項需要留心,勿破壞人家的婚禮而不自知。


1. 早到比準時出席更重要

賓客去飲十大注意:別因小差錯破壞人家的婚禮!

「五時恭候,八時開席」但大多數新人未能準時開席,只因大家去飲都將時間預得非常緊湊,夠鐘才入場,令主人家不得不延遲開席,overrun到11點才散場。建議大家至少提早半小時至一小時到婚宴場地,預留充足時間跟新人合照,尤其觀禮,更需要早到等候新人進場!

 

2. 不應臨時攜眷/ 闔家出席

賓客去飲十大注意:別因小差錯破壞人家的婚禮!

明明喜帖上只有你的名字,但你就帶埋男朋友甚至一家大細出席,卻沒事先通知,搞到新人唔夠位。要知道主人家擺酒圍數有限,一早算好賓客人數,臨時放飛機或加人頭,都令對方失預算!

 

3. 打牌要識節制

賓客去飲十大注意:別因小差錯破壞人家的婚禮!

婚宴早到,開枱打牌是常識吧!不過牌癮起的人一定要有自制能力,小心言行。當場地經理提醒大家打埋呢鋪要入席時,就要聽從安排,記住你係嚟飲,唔係嚟賭錢。

 

4. 婚宴位置勿亂坐

賓客去飲十大注意:別因小差錯破壞人家的婚禮!

主人家一早編好婚宴座位,大家應該根據指定圍數入座。試過有賓客亂坐枱號,其他賓客無位坐,搞到要姊妹團拎座位表幫忙對號入座,阻礙開席。

5. 賓客穿搭宜忌

賓客去飲十大注意:別因小差錯破壞人家的婚禮!

賓客去飲最緊要打扮大方得體,熱褲、小背心迷你裙統統no way。之前女子組合Super Girls成員趙慧珊(Aka)出席林奕匡的婚禮,穿上白色連身裙而被指違反禁忌。想知點著先最恰當,參考婚禮穿搭之道取經吧。

6. 打包好失禮?錯!

賓客去飲十大注意:別因小差錯破壞人家的婚禮!

臨近婚宴尾聲,場地傳菜職員會問大家打唔打包,好多時賓客(尤其年輕一輩)都你推我讓,怕被指貪心或失禮而唔拎。其實根本毋須擔心打包會失禮,一旦無人取走,食物會變廚餘,更加浪費。

 

7. 人情毋須交到新人手上

賓客去飲十大注意:別因小差錯破壞人家的婚禮!

無論你去觀禮還是去飲,人情都不用送到新人手上,只須在人情禮儀封上寫好名字及對新人的祝賀說話,交到迎賓接待處的兄弟姊妹手上即可。

 

8. 做人情要夠得體!

賓客去飲十大注意:別因小差錯破壞人家的婚禮!

大家都知去飲人情有公價,但只觀禮、唔去飲一樣有指標。唔想結完婚無朋友做,記緊做足人情!

按此了解觀禮及唔去飲人情公價

 

9. 諗定祝賀說話

賓客去飲十大注意:別因小差錯破壞人家的婚禮!

「恭喜你呀!」「祝百年好合、早生貴子、三年抱兩!」出席朋友的婚禮,同行友人講晒呢幾句恭賀說話,仲有咩好講?不妨讚下新娘今日打扮好靚,揀婚紗有眼光;又讚下新郎哥有眼光娶到靚老婆,輕鬆又甜蜜的對話,比起客套傳統老句更有心。

 

10. IG 分享靚相有秘訣

賓客去飲十大注意:別因小差錯破壞人家的婚禮!

出席婚禮影過嘅相唔好出完IG Story就算,好多新人都專登作咗wedding hashtag,希望大家影過嘅婚禮合照同花絮都hashtag返,方便新人收相。下次出席婚禮時,留意吓現場指示,幫新人留個回憶啦。

LOAD MORE