feature

5大特色結婚花車推介!Tesla、餓靚之Van、古董車、Land Rover哪種最受歡迎?

5大特色結婚花車推介!Tesla、餓靚之Van、古董車、Land Rover哪種最受歡迎?

男人總說,車是他們的第二老婆,但未正式「迎娶」第二老婆前,掠結婚花車便成為他們很重視的任務。在決定結婚花車車種時,新娘可能想要可愛的Orange Van,新郎又未必會讓步,情傾型格或霸氣的車款。到底有哪些特色結婚花車較受歡迎?


1. Tesla 結婚花車 環保又有型

5大特色結婚花車推介!Tesla、餓靚之Van、古董車、Land Rover哪種最受歡迎?

▲WeddingCars.hk 

現代結婚花車大熱之選有Tesla,除了外形靚仔,最重要是以花車為電動車,零排放廢氣,相對古董花車及其他車款環保。由於電動車沒有引擎,行駛及等候時可提供寧靜舒適空間,在停車熄匙、等候接新娘期間冷氣亦可長開,新娘出門上花車時便不會覺得熱和流汗溶妝。

5大特色結婚花車推介!Tesla、餓靚之Van、古董車、Land Rover哪種最受歡迎?

▲WeddingCars.hk 的Tesla Model X ,2020早鳥優惠價$2,080起(原價$2,580)

Tesla Model X 結婚花車車門為鷹翼門,非常霸氣,又有比翼雙飛的寓意,所以深受新人歡迎。

2. 餓靚之Van結婚花車 造型夠百變

5大特色結婚花車推介!Tesla、餓靚之Van、古董車、Land Rover哪種最受歡迎?

▲圖:IG@kittyvan1314

50年代末開始生產的Orange Van麵包車,外形大大舊卻可愛爆燈,得到很多新娘欽點做結婚花車,並稱之為「餓靚之Van」。現時Orange Van在港數目有限,大多出租作活動或婚禮用途,最吸引之處是車身有不同顏色,可配合婚禮主題。而餓靚之Van有天窗設計,不少新人愛打開天窗,伸出車外拍攝婚紗相。

5大特色結婚花車推介!Tesla、餓靚之Van、古董車、Land Rover哪種最受歡迎?

▲圖:IG@kittyvan1314

有花車公司提供多色Orange Van每部車各有不同風格各有特色,內外都經過翻新處理,確保以最佳姿態出場。餓靚之Van車頭燈「炯炯有神」,有新娘索性放棄常見的結婚花車佈置,改痴「眼睫毛」幫花車變身,非常搶鏡呀!

5大特色結婚花車推介!Tesla、餓靚之Van、古董車、Land Rover哪種最受歡迎?

▲圖:IG@kittyvan1314

有結婚花車公司索性以卡通做主題,鬆馳熊花車、龍貓花車、史迪仔等一樣可愛!

3. 倫敦的士結婚花車:高貴亮麗

鍾情古董車的新人,一定有研究過倫敦的士。倫敦的士外形迷你但高貴,車色亮麗,很有氣派。雖然是古董車,但車廂大多有翻新。

不過,揀古董車有機會易壞或死火,租借花車時須留心條款及細則。

4. 勞斯萊斯結婚花車 新郎最愛!

無論是現代版抑或古典版勞斯萊斯,長車身設計都是它的特色。1904年創立的勞斯萊斯品牌,跨越100年依然不停出新型號,而香港的花車公司主要引入上世紀30年代的型號到最新型車款,想趁人生大事豪一次,當然會揀勞斯萊斯。

5. Land Rover結婚花車 型格之選!

走型格路線的新人,怎能不考慮Land Rover呢?新郎絕大機會一見愛上的越野車,具備不同顏色選擇,比一般房車吸睛,有過來人更形容「型到跌渣」,就算未能入手都要趁婚禮坐一次。不過揀得這類花車,就不應配結婚公仔,以免有失霸氣,改用簡單花藝佈置車身即可。

另外,由於越野車車身較高,穿著裙褂、婚紗和高跟鞋的新娘可能會覺得不便,新郎哥記得貼心一些扶好新娘啦。

LOAD MORE