之前CG!同大家探討過detox water嘅功效（詳情：大熱排毒美肌飲品！detox water大解構），其實除咗detox water之外，小編身邊嘅朋友都用緊唔同嘅方法排毒，到底呢啲方法work唔work？我哋睇睇醫生點講！
1.早上飲暖水或檸檬水1杯
西醫：維他命C及水本身有排毒作用，不過飲用太多維他命C嘅話，就會對身體造成負擔。
根據食物安全中心資料顯示，成年人每日嘅維他命C建議攝取量為不少於 45 毫克。而每100克檸檬約含40毫克維他命C，即2至3片檸檬，言即只要飲一杯檸檬水，再加上均衡飲食，就已經可以吸收到每日所需嘅分量了。
2.連皮進食去毛奇異果兩個
西醫：本身呢個方法無助排毒，而且奇異果皮除咗會刺激腸胃，更有機會會刮傷腸胃，加上奇異果皮多塵，如果洗唔乾淨，就會食咗農藥同塵埃落肚。
3.纖維粉
西醫：如果該纖維粉含有益生菌的話，可有助排便。
4.飲大量鹽水
西醫：唔應該一次過飲大量鹽水，因為飲太多鹽水會影響腎功能，而且血壓高者尤其要小心。再者，鹽水本身並無排毒作用，飲適量水分就已經可以了。
中醫：每日一杯淡淡嘅鹽水可以幫助排走廢液（即尿液），不過鹽水只宜上午飲1杯，而且不能大量飲用，也不能晚上飲用，因為晚上進食或飲用太鹹的東西有可能會損害腎臟。
5.每日食1餐椰菜
5.每日食1餐椰菜
西醫：有效，因為椰菜屬高纖食物，對腸胃好之餘，亦可以幫助腸嘅蠕動，從而排走渣滓（即消化後的無用物質）。
6.鮮淮山瘦肉粥
西醫：進食此粥並無排毒作用。
中醫：淮山健脾，是養生保健的食品之一，可有助防止水液於體內停留，所以有排水（意指汗及大小便）的作用，從而維持體內嘅水分平衡。
ADVERTISEMENTCONTINUE READING BELOW
登入 瀏覽本網站，可獲取積分換領專屬優惠
立即登入/登記
點擊查看專屬優惠
Share on:
立即訂閱接收Cosmo最新潮流資訊
訂閱電子報，緊貼流行健康飲食及生活！