拆解瞓覺戴bra​的迷思！

有人話戴bra瞓無益，有人話戴住瞓先唔會提早鬆弛，各有各說法，究竟應該點呢? 

傳說1：戴bra瞓會導致乳癌

其實無科學證據顯示戴bra瞓覺會發展出癌症或者會阻礙發育，而戴鋼圈bra會引致乳癌亦係無
根據嘅，反而鋼圈長期同皮膚磨擦可能造成皮膚紅腫較值得注意。

仲有樣嘢要注意，如果戴會箍住、好窄身嘅bra瞓覺，亦可能會影響血液循環同引起不適。

傳說2：戴住瞓可keep住堅挺胸型

其實：胸型保持得唔靚，好多時都係因為長期戴錯唔啱身嘅bra，無俾到胸部足夠嘅承托力。

戴住嚟瞓都唔會令胸部特別堅挺，睇你個人覺得著定唔著瞓會舒服啲。 

傳說3：地深吸力會令胸部下垂

其實唔戴胸圍嘅時候，胸部只不過係喺佢原本自然嘅形態，並唔會引致下垂情況出現。

女性嘅胸部係會隨住體重、年齡、懷孕、哺乳等情況而轉變，有時肥啲瘦啲都會唔同，不妨每年
量一次胸圍，按身體狀況更換合身嘅bra。

不過咁，戴住瞓對某啲人係好嘅：

例如胸部真係超特大，胸部移嚟移去反而會令佢唔舒服，或者一啲餵緊母乳嘅女性，佢哋會覺得
戴住嚟瞓會舒服啲；或做完某類手術、有特殊需要嘅人士。

建議：如果晚上瞓覺戴bra，最好選擇一啲透氣度高、唔會引起皮膚敏感嘅物料，無墊無鋼圈，
唔太鬆唔太緊嘅款式。