一個app幫你20日激瘦12磅兼練出馬甲線　睇片運動減肥真係得？

減肥，是女人的終身事業。坊間流傳的減肥法數之不盡，相信每個女生至少都試過3種以上的方法，而結果就是......繼續打「減肥」這份辭不了的工！若果告訴你，只需連續20日每日運動25分鐘，毋須節食，就可以減12磅兼練出馬甲線，你又會想嘗試一下嗎？
TS20是一個極速消脂的減肥程式，由5位韓國健身教練所設計，將人分成「四象體質」，分別是太陽人（T1）、太陰人（T2）、少陽人（S1）和少陰人（S2），營養師利用O-Ring test測試出用家屬於哪一種「四象體質」，再度身訂造餐單，用家只要連續20天進行所屬體質的訓練運動，便可成功減去十多磅，甚至練出肌肉線條！


HERE WE SEOUL老闆Livana就親身感受過TS20的威力，短短14日內便減去12磅，並成功練出一排「朱古力」和馬甲線！Livana屬於S2少陰人，即上身較單薄，下身容易水腫，本以為每日的運動就是訓練下身，豈料剛好相反：「因為我能量聚晒喺下身，所以上身比較薄同冇力。做返多啲針 對上身嘅動作，上身線條靚咗，但又唔會變到好大隻。」
平時跑步15分鐘便已放棄的她，跟著TS20程式內的短片運動，輕而易舉地完成一系列動作：「我初初其實只係舉吓水樽都覺得幾攰，但最好嘅地方係跟住條片做4、5下又轉下一個動作，唔會悶，時間過得好快。我覺得每日25分鐘對任何人嚟講都好易做到，令人冇咁易放棄。」




戒口亦是令不少人減肥失敗的元凶，而TS20的餐單並不需用家節食，Livana表示：「營養師唔會限你食好少嘢，反而比好多嘢你食，因為食少咗嘢其實係冇燃料去幫你burn fat，所以唔食嘢係減唔到。有一類人可能要食多啲肉，有啲可能要食多啲深色水果、多淺色蔬菜。因為唔係淨係講緊脂肪，而係體內能量嘅流動、身體嘅循環。」
不少減肥專業戶都知道，堅持20日不算難，但keep住體重和身形才是最困難的地方，但完成TS20後更加了一定程量的肌肉量，身體學會自動burn fat，她表示只要每星期運動兩至三日，就不怕反彈。：「完成20日後會養成一個習慣，我知食咩嘢 對身體好，食多啲都唔怕，而且呢20日冇食少咗嘢，所以唔存在後食返多啲嘢就反彈呢個問題。同 埋做完training，肌肉量多過脂肪量，就算唔運動，身體都識得自己去burn fat，呢個係好神奇嘅地方 。」

＜延伸閱讀＞原來是運動健將！「是非精」劉穎鏇熱愛打籃球

＜延伸閱讀＞勤做運動！賭王千金何超蓮：「運動令生活更有動力！」