有經痛困擾、經期流量多嘅女生特別容易嫌｢好姊妹｣到訪，有時甚至乎會羨慕經期短、流量少嘅女生朋友，不過其實來經長短人人唔同，最緊要係正常同健康。
登入 瀏覽本網站，可獲取積分換領專屬優惠
點擊查看專屬優惠
來經3日正唔正常？
有說經期長短由3至7天或5到7天都屬於正常，如果一向都係嚟3、4日，又無咩其他身體問題，咁都應該屬於正常嘅。
但如果平時一向嚟開6、7日，忽然變咗嚟得2、3日，就最好去醫生度檢查下。經期由長變短，成因可能包括：
1. 壓力：壓力會影響經期狀態，當你真係面對好大好大壓力、好攰好攰時，係有可能會出現經期失調嘅情況！
2. 雌激素不足：當女性體內嘅雌激素不足時，有可能會造成經期紊亂，包括經期變短等。
尤其是响青春期嘅女生，有問題唔好收收埋埋，同醫生商量就最實際。
3. 食緊避孕藥：有啲避孕藥會令經期時間縮短，如果係因為咁就唔使太擔心。
不過最好都係一直保持同醫生溝通，俾佢知道你食咗邊隻避孕藥之後身體有啲咩變化，等佢幫你評估下用邊隻藥或邊種避孕方法最適合你。
4. 更年期：女性進入更年期時也有可能出現月經紊亂嘅情況，不過如果你仲係十八、廿二，就可以排除呢個可能性。
*多注意自己近三個月嘅來經情況，例如上次同今次來經相隔咗幾耐，上次同今次各自嚟咗幾多日、流量點、有無咩特別嘅身體狀況等，到見醫生時，就可以講得詳細啲，方便醫生作出診斷。
**如果你有任何關於Sex嘅問題，都歡迎email到editorial@cosmogirl.com.hk (subject: Miss Sex)，等Miss Sex為你解答。
立即訂閱接收Cosmo最新潮流資訊
訂閱電子報，緊貼流行健康飲食及生活！