陳茵媺自與陳豪結婚後，兩人簡直sweet到暈，兩公婆經常放閃，更不時會分享一家五口的溫馨場面，不少女生都羨慕Aimee擁有幸福生活，成為幸福人妻兼絕世好媽媽原來跟她擁有「A-E」5大特質有關！
Senior Content Manager, Features
Contributor
登入 瀏覽本網站，可獲取積分換領專屬優惠
點擊查看專屬優惠
▲陳茵媺絕對是女生勝利組一員，相信不少女生都想擁有她的幸福生活。
幸福生活全靠「A-E」5大特質：Accompany -樂天相伴
最老生常談嘅陪伴？冇錯，但唔係「得定定喺度」就算，而係互相傳遞情感嘅陪伴。就算唔係住喺陳生陳太附近，大家都唔難喺娛樂新聞同社交網睇到陳茵媺不時同老公陳豪孖公仔冧爆現身。
無論係夫妻檔開工定合體湊小朋友，兩公婆舉手投足都幸福滿溢，將相伴相依嘅快樂傳遞開去。自己保持心境開朗，同另一半一齊時互相感染，吸引力法則之下，點會容易變抆憎黃面婆？
育有3個小朋友嘅陳茵媺同樣被封絕世好媽媽，生活條件許可之下多啲陪小朋友就係好多媽媽嘅願望，不過其實好似陳茵媺咁，不時陪仔女玩到盡都一樣出色！
小朋友成長路上除咗需要管教，身教同開開心心嘅陪伴都好重要，可以留下好多美好回憶！
幸福生活全靠「A-E」5大特質：Beauty - 身心健康
真係B for Beauty，講美貌咁膚淺？唔係哩，講嘅係自己身心健康嘅美麗，唔少人都知道婚姻生活中有柴米油盬同小朋友，好多女士少不免被逼犧牲自己。
不過自己先係生活嘅主人，為家庭都要鍚埋自己，就算偶有甩頭甩髺嘅時刻，一有時間都要照顧自己身心健康！
作為全職媽媽，陳茵媺照顧3個小朋友絕對不輕鬆，不過佢亦會照健身、打扮同搵朋友聚會，做自己鍾意嘅事，錫住自己，咁先有精力做最強老婆同媽媽！
幸福生活全靠「A-E」5大特質：Caring -多功能老婆x媽媽
C For Caring！關心就一定多功能？係有心就有可能，好似陳茵媺對老公陳豪同小朋友都無微不至。
不時於社交網分享一家生活嘅佢，由基本陪仔女在家上堂，去到每個節日都準備一家五口家庭裝影大合照，萬聖節仲落場陪小朋友扮鬼扮馬，仲勁到一打三帶仔女去加拿大度假，為仔女炮製多個美好回憶，百分百係好媽媽！
陳豪曾經公開形容老婆陳茵媺係佢嘅「女王」，仲係「Super Mommy」，多謝老婆一直盡心盡力照顧屋企，等佢可以專心開工，打理頭家又令老公安心又開心，完全係多功能老婆！
幸福生活全靠「A-E」5大特質：Do It Yourself - 親力親為
如果有留意陳茵媺嘅Instagram，應該就會留意到佢都好鍾意下廚，不時為全家準備盛宴，甚至會挑戰中菜，Hashtag埋「#cookingwithaimee」。
佢全家大細包括老公陳豪嘅生日蛋糕，都係佢親自落手同小朋友一齊整嘅。
事事親力親為，用食物傳遞心思同埋熱情，就連網民都大讚超班！
幸福生活全靠「A-E」5大特質：Express your love - 不吝表達情感
圈中唔少夫都好恩愛，不過陳豪陳茵媺就真係好似王子公主咁童話！陳茵媺不但不吝於社交網分享溫馨閃光彈，更加唔會將對老公同仔女嘅愛意收收埋埋，令全城都Feel到幸福！
要留意，唔係講緊放閃就等於幸福，而係對另一半不吝表達情感，時刻都令對方感受都愛意，結婚多年都唔會感覺熱度流失！
陳茵媺不但為陳豪整生日蛋糕，婚後多年就連情人節都會好似熱戀期咁準備相集，重溫戀愛歷程，又會親自整理一家180頁嘅相集，日日都Feel到浪漫感覺！
兩公婆仲約定每年都會二人世界去旅行，陳茵媺不時於Instagram上載老公型仔相，形容佢係王子，仲大讚老公比婚前更加型，完全唔留力晒恩愛，冧到網民都狂派心心！
你仲怕怕醜醜收起心嗰句？不妨大方講出心意，享受幸福感！
Senior Content Manager, Features
與其隨波逐流，倒不忠於自己！廣告、包裝，不妨一看，但專家口碑、再加親自驗證才是王道。交「學費」沒問題，很想避免再交錯「學費」，只要貴得值，我一樣會乖乖「課金」！
Contributor
塵世間一件迷途小書童。行年廿七，事業小成，幸得心術還算良正，愛好煲劇睇戲寫文分享心情。
立即訂閱接收Cosmo最新潮流資訊
訂閱電子報，緊貼流行健康飲食及生活！