成日急尿？女生經常要去廁所的5個理由

有部分女生覺得自己好似去小便去得好密，有時連自己都嫌煩咁，到底有咩原因導致成日要wee wee呢？

原來去廁所嘅密度，都可以睇出你嘅身體狀況。

當你飲得夠水…

咁都要睇返你飲咗幾多水，一個人如果飲得夠水，一日平均去8次小便都屬正常，即使你覺得有啲煩。如果臨瞓前飲咗水，瞓瞓吓起身去小便都係自然嘅 。

當你飲唔夠水…

人有時會諗：「我飲少啲水咪去少啲廁所囉！」甚至搞到成個人乾晒都「在所不計」，但係飲唔夠水呢，尿液就會變濃宿，反而令個膀胱受刺激，越會send signal俾你叫你去廁所。情況係反而你飲返適當水份，尿液稀啲，膀肛少啲受刺激，可以hold住啲尿尿耐啲。正常飲夠水嘅尿液應該係淺淡黃色嘅 。

當天氣凍/唔夠暖時…

氣溫下降時，身體會自動做好多嘢去為你保住體溫，其中一個樣就係收縮四肢血管，將血液流去較重要嘅部位，與此同時身體會作出反應，想平衡返個血壓，於是身體會想將多餘嘅水份排出體外，咁就會出現冬天仲要輪輪盡盡去多幾次廁所喇。

當身體出現某啲問題…

尿道炎、腎石都會引致小便頻密，但通常都會伴隨住小便刺痛、背/腰痛等明顯病徵。另外糖尿病、身體出現咗腫瘤壓住咗神經，都有可能導致尿頻或小便習慣明顯改變，安全至上，一定要搵醫生check清楚。