依家嘅 Niki 周麗淇,點止 Fit 咗咁簡單?

依家嘅 Niki 周麗淇,點止 Fit 咗咁簡單?
by Cosmo

香港地生活壓力大,所以越嚟越多人信奉「Work Hard Play Hard」嘅生活哲學:讀書嗰陣同朋友上莊住 hall 玩通宵,臨近 deadline 先趕 paper 狂溫書;依家返工做嘢 chur 到盡,一唔使 OT 就同同事 happy hour 直落到凌晨。呢一刻嘅你或者仍然覺得自己好 chill 好型,享受緊生活嘅真諦,但若果下一秒長期跟住你嘅頭痛又再發作,你有冇諗過,其實係因為不停消耗緊自己健康而出現嘅問題?

每個人都會有突然感慨自己「老咗」嘅時侯,而所謂嘅「老咗」唔一定係年齡上,而係終於發現精神狀況同身體機能都大不如前:長期捱夜引致嘅頭痛、工作壓力太大出現情緒不穩、日日坐喺 office 打字搞到膊頭前傾兼寒背、長期頂住個大肚腩令膝頭痛……當身體上各種小問題困擾住自己,試問仲點有精神去享受生活?雖然世事無絕對,生活當中有好多人同事我哋難以控制,付出咗亦唔一定有回報,不過只要好好待自己身體,身體就一定會回饋一份禮物畀你,而呢份禮物嘅名叫「健康」!

仲停留喺「瘦=靚」嘅諗法?當人人都羡慕 Niki 周麗淇天生一副 model 身材,以佢纖瘦嘅身型做減肥目標嘅時候,Niki 對 fit 有另一套定義!佢認為 fit 有兩個層面,身體要有肌肉同曲線之餘,精神狀態亦都要飽滿,咁先係真正嘅fit!就好似今次 Niki 幫 Goji Studios 拍嘅廣告咁,鏡頭前大家會見到佢嘅結實手臂、小蠻腰、蜜桃臀,而鏡頭後佢為求盡善盡美,連續幾日 10 幾個鐘,兼落力做推雪撬、舉啞鈴等等嘅運動,實行寓工作於運動,享受運動帶嚟嘅樂趣!

好多人做 gym 係為咗練大隻或者減肥,但令 Niki 的起心肝做 gym 嘅契機,係佢脊椎嘅小問題!原來佢發覺自己經常出現寒背問題,所以希望透過鍛鍊肌肉去改善同糾正呢個情況。對 Niki 嚟講,頭一個月做 gym 係最辛苦嘅時刻,不過佢清楚知道自己嘅目標係要改善健康,所以堅持落去:「當做 gym 自自然然成為我嘅生活習慣,好似食飯飲水一樣,就再唔會覺得辛苦!香港人生活節奏急促,往往會忽略咗自己健康,依家就算我工作幾忙,都會定期Goji Studios 做運動,除咗 keep 住健康,仲可以舒緩壓力!」

雖然 Niki 一開始做 gym 係為咗改善健康,但其實三者嘅關係相輔相承:身體健康嘅話,body shape 同精神狀態同時間亦會提升,而 Niki 亦覺得依家健康又精神嘅自己,能夠令佢有足夠 energy 喺工作上繼續拼搏!

成日約朋友 gathering 嘅你,幾耐冇同健康呢位「老朋友」敍舊?友誼可能未必長存,但健康狀況必定會跟你一世!你希望呢位「老朋友」以咩狀態陪你面對將來嘅日子?取決你今日對佢嘅態度!

你仲唔馬上行動?https://goo.gl/HiFR96

資料由客戶提供

LOAD MORE