feature

港女拍10次拖屢遭感情背叛 KOL轉型做地產2幢物業揸手:女人要靠自己

港女拍10次拖屢遭感情背叛 KOL轉型做地產2幢物業揸手:女人要靠自己

愛情與麵包,你會怎樣選擇?現年27歲的Wendy,年紀輕輕已談過近10次戀愛,但她坦承過往兒戲看待愛情,每次弄得自己滿身傷痕,傷得無心工作,傷得令家人擔心⋯⋯從前愛情第一的她,如今從事地產業已3個年頭,更靠自己坐擁2幢物業。愛情?想要!但先學識愛自己,再愛別人吧。

by Ho Yee Coco edited by Zooey Choi

控制物慾 22歲買到第一層樓

【真人真事】27歲女屢次慘遭背叛  KOL轉型做地產2幢物業揸手:女仔都可以

15歲便投身社會打工的Wendy,笑言打過N份工,18歲已賺取人生第一個10萬:「15歲那年暑假,因為鍾意飲珍珠奶茶,所以走咗去台式茶餐廳做,好記得收到人生第一份糧,$20一個鐘,共$360。即刻去吉之島買咗個$200嘅銀包送俾老竇,佢仲用到宜家。」

【真人真事】27歲女屢次慘遭背叛  KOL轉型做地產2幢物業揸手:女仔都可以

數口甚精的Wendy細數著:「做到我18歲每兩星期出糧$1,000,每個月會賺到$2,000-$4,000,如果撞正假期,仲可以返多啲工。一年儲到$25,000左右,所以考完DSE 18歲已經儲到人生第一個$50,000!」等放榜期間,更瘋狂地「返兩份兼職返到全職咁」, 頭一個月便儲到$6,000-$7,000,終於成功儲到人生第一個10萬!Wendy指:「自從返兼職之後,阿爸阿媽都冇俾零用錢我,真係慳出嚟!」

【真人真事】27歲女屢次慘遭背叛  KOL轉型做地產2幢物業揸手:女仔都可以

當你年輕時打工賺到錢,你會用來做甚麼?很多女生可能都會想買東買西,編輯也不例外,年輕嘛,人之常情。不過當年的Wendy已嚴格管制自己:「控制自己嘅物慾同唔好拜金,真係好重要好重要!好彩係冇乜物慾,唔會想人有我又要有,特別係啲有牌子嘅嘢。我年代好興嗰件紅色心心衫或者同學熱烈討論嘅潮牌,我真係一樣都唔識。大佬件件過千蚊,等於我返一個月工呀!」

22歲,已經儲到近80萬買入第一層自住物業。

情侶坎坷 曾被惡指是第三者 爸媽最傷心

【真人真事】27歲女屢次慘遭背叛  KOL轉型做地產2幢物業揸手:女仔都可以

理財100分的Wendy,戀愛能力值卻不合格。16歲開始拍拖,10年愛情路上拍過近10次拖,但往往都不歡而散,要不被分手,就是被出軌,又遇過控制狂男友,更曾試過要供養另一半:「16歲嗰年第一個男朋友就係被分手;又試過遇到過個男朋友好控制狂,去到邊都要同佢報到,遲咗唔覆佢電話又會發好大脾氣鬧我;又試過有個渣男搬入嚟同我一齊住,層樓係我自己嘅,咁你唔幫手供都唔緊要,但連屋企所有其他開支,水電煤都係我俾,最尾仲要俾我發現佢原來同我一齊過程中不停出軌。」 



【真人真事】27歲女屢次慘遭背叛  KOL轉型做地產2幢物業揸手:女仔都可以

數年前,Wendy參加ViuTV真人騷《廣告女皇》,竟爆出該時的男朋友的前度就是另一參賽者,更被剪輯成自己是介入別人或情的第三者,Wendy坦言:「好唔開心呀!因為我本身就唔鍾意同人分享,所以我一定唔會做人第三者!我係佔有慾好強嘅人嚟,我係接受唔到自己唔係100分佔有一啲嘢嘅時候,我又點會願意去做人第三者?去擁有一啲唔屬於我嘅嘢呢?」

【真人真事】27歲女屢次慘遭背叛  KOL轉型做地產2幢物業揸手:女仔都可以

怒火中燒,最緊張的還是父母:「最傷心嘅係哋爹哋媽咪,因為當時係記得節目嘅剪輯話我係第三者,我爹哋媽咪唔玩social media都會睇到電視播,呢個係最令佢哋難受。佢生個女出嚟,你可以話佢唔靚,因為外表可能係已經天生,但係你冇理由話人哋個女係第三者,呢個係關乎我人格問題。而且我都有怪佢冇好好保護我,其實我唔係第三者點解唔出聲?任由件事去發酵呢?」

【真人真事】27歲女屢遭背叛  KOL轉型做地產2幢物業揸手:女仔都可以靠自

屢次遇人不淑,對方必然有責任,但一隻手掌拍不響,Wendy都有自我反省:「曾經有個男朋友,我地有好多共同興趣,同佢嘅回憶都係最多,但嗰陣真係接受唔到佢身邊有咁多異性朋友,好嬲佢,我會諗呢個人唔係應該乜嘢都包容我咩?不過而家都冇再嬲。以前拍拖,一遇到問題就會選擇收埋,唔會拎出嚟講,一去到好唔開心先會爆出嚟,但其實咁樣唔好。」

KOL轉型發展地產事業 愛自己成人生大方向

【真人真事】27歲女屢次慘遭背叛  KOL轉型做地產2幢物業揸手:女仔都可以

經歷過愛情路上的遍體鱗傷,又試過打N份工,27歲的Wendy坦言只想穩定:「以前都有做唔同嘅工作,例如領隊,主持,模特兒,覺得自己個樣唔差又可以賺到快錢,有時候幫人拍嘢或者影相,好短時間就可以賺到個唔錯嘅收入。我承認嗰陣係貪慕虛榮,但而家我已經過咗,我覺得做地產係自己唯一嘅出路。」

【真人真事】27歲女屢次慘遭背叛  KOL轉型做地產2幢物業揸手:女仔都可以

看來很灰的說法,但Wendy表示工作上得來的成就讓她愈做愈開心:「我自己本身都鍾意買樓,所以做地產一方面都幫助到我買樓,我覺得作為女仔都可以靠自己;做地產其實都係將我以前過往嘅工作經驗mix埋嘅一份職業,例如而家我會幫公司做主持、拍片,都對我做地產非常有幫助。客人睇到我網上嘅片,就會搵到我幫佢買樓。做地產就好似幫客人完成佢哋嘅人生大事,每一日面對唔同嘅客人,幫佢哋搵盤,我都會知道佢哋嘅故事,例如有啲人就嚟結婚,又或者有小朋友所以準備要買樓,其實呢啲過程就係開心事,本身買樓就係開心事。做做下就會發覺,幫到人簽約買到心水盤嘅時候,自己都會有成功感。」

成為 CosMart 會員,儲積分可換領專屬優惠
【真人真事】27歲女屢次慘遭背叛  KOL轉型做地產2幢物業揸手:女仔都可以

最大的成功,相信是讓她學懂愛自己,Wendy指:「以前好想身邊有人照顧自己,但以前就係比愛情傷害自己太多,無法專心工作。而家我有自己嘅事業,有自己嘅屋企,想快啲供完層樓,令自己工作更穩定,再慢慢搵愛情 。如果我要做一個港女,等人照顧,都唔會係真正鍾意我嘅人,反而做好自己,同自己價值觀相近嘅人就會自然出現,唔會好似以前咁勉強。」坐擁2個物業的Wendy,坦言對方有沒有錢、 有沒有樓都不是重點,反而最重要是價值觀一致:「如果我都認為覺得好嘅嘢,另一半都覺得好咁就perfect啦!」

作為女生,有人全心全意愛護自己當然開心,但我們往往不能take it for granted。與其渴求別人的愛,倒不如愛自己;奢求別人當自己是公主,倒不如學懂成為自己的女皇。

相關影片
MORE FROM
訂閱Cosmopolitan電子報,緊貼流行健康飲食及生活!
提交

感謝閣下訂閱Cosmo電子報。
閣下將收到一封電郵確認,謝謝支持!

閣下已註冊Cosmo電子報,請按下註冊電郵上的連結,以激活閣下的帳號。
如果未收到註冊電郵,請按此重發。

閣下已曾註冊Cosmo電子報,請前往設定更改閣下的訂閱選擇。

據系統顯示,閣下為CosMart會員;如想訂閱Cosmo電子報,請前往CosMart後台設定 - 接收電郵設定更改閣下的訂閱選擇。

LOAD MORE