feature

中秋節必買月餅!精選十大又靚又美味的月餅

中秋節必買月餅!精選十大又靚又美味的月餅

中秋節又怎能缺少月餅呢!今年很多酒店、商店都推出包裝超美嘅月餅禮盒,除了人氣爆登的流心奶皇月餅,還有冰皮月餅、雪糕月餅都同樣出色,一起過一個開心嘅中秋吧!

by P

今次精選十大品牌,絕對係最受歡迎嘅月餅,送禮又好,買返去同朋友開心share都好!

1. Lady M星空水晶球月餅禮盒

Lady M嘅月餅出名靚,今年以星空月夜嘅璀璨美景,同埋紐約都市景觀作藍圖,係水晶球設計入面放有8個象徵大廈嘅精緻禮盒,部分內藏迷你奶黃月餅,將底部嘅電源打開,星空圖案仲會發光,太精緻喇!

價錢:$398
電話:3956 1494

2. Haagen-Dazs雪糕月餅禮盒

雪糕,月餅禮盒,月餅

Haagen-Dazs今年同LINE FRIENDS合作,推出網店限定雪糕月餅,每個雪糕月餅都由唔同口味嘅白朱古力脆皮外層包住幼滑嘅雪糕,有齊熊大、兔兔、Sally同Choco同大家一齊過中秋!($378)

另外必試嘅仲有雪‧望月,由麻糬外皮包著紅豆雪糕同皇牌士多啤梨雪糕,好好味啊!($378)

七星明月月餅禮盒(右),每個雪糕月餅都由唔同口味嘅白朱古力脆皮外層包住雪糕,包括有士多啤梨雪糕配荔枝、紅桑子玫瑰流心、朱古力、比利時朱古力、雲呢嗱、芒果、士多啤梨芝士餅、曲奇雲呢嗱、焦糖脆餅。($688)

3. 奇華餅家

奇華餅家出咗好多唔同口味嘅月餅,而今年仲同小丸子聯乘,推出一系列奶皇月禮盒,包括小丸子鴛鴦奶皇月手提箱禮盒 ($188/4個)、小丸子及小玉奶皇月禮盒 ($80/ 2個) ,同埋花輪及野口奶皇月禮盒 ($80/ 2個)  。

月餅面上仲印上小丸子嘅卡通大頭,真係可愛到唔捨得吃!

4. 半島酒店

半島酒店嘅迷你奶黃月餅向來受歡迎,送禮自用都不錯,係明智嘅選擇。推介佢哋嘅迷你奶黃月餅,味道香濃,鍾意奶黃月餅嘅你唔好錯過。

迷你奶黃月餅 $368/8件裝

5. Valerie Pastry

上年一出街,就賣光光嘅Valerie Pastry月餅,今年推出限定版月餅,特別搵嚟黃柏高嘅餐廳品牌設計師Fay Sze,設計3款四周年限量特別版首飾盒月餅,靚到令人嘩嘩聲!另外今年亦推出多款口味,包捨去年好受歡迎嘅迷你流心奶黃月餅($298/8件裝),仲有迷你宇治抹茶($298/8件裝)、迷你皇牌奶黃($288/8件裝)、迷你楓糖果仁($168/4件裝),同埋全新嘅低糖白蓮蓉月餅($208/8件裝)。

6. 望月

望月,月餅,中秋節

以中西合璧嘅酥皮奶黃月餅,同松露果仁月餅而馳名嘅望月望月,今年推出多款口味,包括有酥皮奶黃四件禮盒裝($178)、焦糖果仁月餅($188)、松露果仁月餅($198)、松露黑毛豬果仁月餅($208)、流沙奶黃四件禮盒裝($188),特別版四式月餅($188)。

唔可以錯過嘅有酥皮奶黃月餅,想試多啲味就可以揀特別版四式月餅,一樣咁出色。

7. 中村藤吉

抹茶愛好者一定會好喜歡中村藤吉嘅女餅,中村藤吉仲用自家調配嘅焙茶粉,同抹茶玄米茶粉,製作焙茶迷你奶皇月餅、抹茶玄米茶迷你奶皇月餅。月餅茶味甘香濃,烘焙度又剛剛好,加埋月餅皮茶香撲鼻,令月餅加倍美味。

丸十迷你奶皇月餅禮盒(4件裝:抺茶迷你奶皇月餅及焙茶迷你奶皇月餅,各兩件,$288)、(6件裝:抹茶玄米茶迷你奶皇月餅、抺茶迷你奶皇月餅及焙茶迷你奶皇月餅,各兩件,$388)

8. Starbucks

Starbucks月餅內有齊兩種口味,包括有香滑奶黃月餅,以金黃嘅餅皮包住香滑嘅奶皇餡。另一款係雲呢拿奶皇月餅,以Starbucks雲呢拿鮮奶咖啡做靈感,將香甜嘅雲尼拿籽糅合傳統奶黃餡料,充滿驚喜啊!($288)

 

9. 山下菓子

山下菓子今年推出Sanrio月餅禮盒,多款酥皮奶皇流心月餅新口味,加埋Hello Kitty、My Melody、Little Twin Stars卡通包裝,夠晒可愛!

酥皮奶皇月餅 $188/4件裝;四式玲瓏月 $360/8件裝

10. 百味堂

百味堂,月餅,中秋節

百味堂甜品就食得多喇,今個中秋出埋月餅,大家都不妨試試!月餅禮盒以木盒配上輕淡雲石紋紙盒做包裝,再繫上皮革繩結,同印上「百」字火漆蓋印,勁靚!而月餅口味就係軟心忌廉奶皇月餅,稍稍焗熱即吃,牛油香更突出,奶黃暖呼呼更添軟滑啊。($498)

LOAD MORE