夏日止汗攻略!

by lulu T. edited by Karen C.

止汗, 夏日護膚

好多女生唔鍾意夏天,最大原因係怕成身大汗。有人會勁噴止汗劑,不過有專家話止汗劑唔可以大量用,會阻塞毛孔。而且流汗可以幫助帶走高溫所帶來的熱量,新陳代謝嘅廢物又可以隨住汗液排出體外。過度使用止汗產品的話,有可能影響身體健康。想減少流汗,或者減低流汗嘅厭惡感,唔係得止汗劑一個方法;就算要用止汗劑,只要知道正確方法,唔好亂咁用,其實都一樣work!

1. 爽膚水快速止汗

天氣太熱,有時由落車行返公司嘅一小段路,都已經出晒汗。雖然室內有冷氣,不過出汗唔係話停就停,可能坐低十分鐘仍然標緊汗。呢個時候,可以先將汗水擦乾,然後將爽膚水拍喺出汗部位,特別係頸背、手肘、膝蓋後側等皮膚皺褶位,就會覺得清涼一點,亦唔會繼續流汗。最好使用保濕度高、對皮膚刺激較少嘅爽膚水。

止汗, 夏日護膚

2. 穴位按摩止汗

人體有幾個穴位可以幫助止汗,其中最方便嘅係合谷穴,即是大拇指和食指根部的中間凹陷處,也就是俗稱嘅「虎口位」。方法係用大拇指指腹用力順時針按摩合谷穴3-4分鐘,當感覺有啲酸疼時停一停,然後再按,反復5-10次左右。按摩合谷穴可使汗腺收縮,防止過度出汗。所以有空時就要按摩一下,堅持一個星期左右,就可以開始feel到少咗出汗。

3. 洗澡要用溫水

夏天用凍水沖涼降溫是常識?錯錯錯!因為凍水沖涼會令毛孔收縮,沖完涼後反而覺得更燥熱,更易出汗。建議要用溫水沖,咁樣反而會覺得清涼一點,對皮膚健康更好。

止汗, 夏日護膚

4. 正確使用止汗

- 市面上嘅止汗劑主要成分係鋁鹽,透過鋁鹽入面嘅鋁分子,能夠堵住人體汗管嘅出口,抑制汗腺分泌。雖然經常有傳聞話止汗劑嘅化學成分對健康有害,但其實亦未有確實嘅研究報告,所以,只要不過量及正確使用,還是可以的。

- 每日用一次便可,最佳時機係臨瞓前,沖完涼擦乾之後塗抹。

- 只適用於容易出汗的部位,例如腋下、頸項、腳掌等,不宜在臉部使用,更不能全身大面積地使用。

- 止汗劑唔好同汗液夾雜一齊,運動後彧大汗嘅日子,要先將汗液擦掉先可以再使用。因為汗液會影響產品嘅使用效果,亦會產生異味。

- 部分止汗劑添加咗人工香料等成分,可能會導致皮膚過敏,建議使用之前,最好先做一個過敏測試,喺上手臂內側小面積試用,確定無出現紅斑、瘙癢等症狀先好繼續使用。

- 皮膚上有損傷時要避免使用止汗劑,以免刺激傷口。

CG! 推介:

止汗, 夏日護膚, 止汗劑, Nivea

NIVEA 輕爽柔嫩止汗走珠香氛
價錢:HK$27.5/50ml

配備創新的超輕爽止汗配方,蘊含天然Kaolin Powder 質感輕盈,有效瞬即乾爽。獨有果香糅合花香,以佛手柑、玫瑰、牡丹、薰衣草及百合花混合而成,香味持久,整天都散發出柔和香氣。

止汗, 夏日護膚, 止汗劑, Melvita, 有機

Melvita Organic Purifying Deodorant- 24hr Effectiveness
有機24小時淨化香體露
價錢:HK$230/50ml

獨特抗菌活躍成分配方,天然成分高達99%,不含鋁、鋁鹽等化學成分,蘊含胡椒薄荷、檀香和百里香等三種淨化的精油,有效抑制分解汗水的細菌滋長,加上微孔礦物成分有效吸汗,預防體味產生。

止汗, 夏日護膚, 止汗劑, FANCL

FANCL Deo Crystal止汗水晶
價錢:HK$330 (每支容量115克,附15克攜帶裝)

由瑞士天然的「Alum石」製成,能有效收細排汗毛孔,抑制汗液流量;更能抑制肌膚表面的細菌生長,防止細菌與汗水混和而產生體臭異味,適合男女使用。

<<閱讀更多>>選購止汗劑4大注意事項!

LOAD MORE