心理測驗:遇到情敵,你的競爭力有多高?

by juju

心理測驗, 情敵, 競爭力

喺感情事上,每個人都有機會遇到競爭對手,而面對呢啲難以避免嘅競爭,人人嘅反應都唔同,你估你嘅競爭力又有幾強呢?

如果你要紋身,你會選擇紋上咩圖案?

A. 名字/字句

B. 蝴蝶、花草類

C.  宗教符號類

D.  圖騰類

心理測驗, 情敵, 競爭力

分析:

揀A(名字/字句)– 競爭力:80

你為人有自信,個性又有啲衝動,當遇到競爭對手時,絶對唔會輕易讓賽,甚至乎會遇強越強,所以競爭力絕對唔會低,不過要小心留意自己會唔會表現得太「強勢」,嚇走競爭對手嘅同時,唔小心嚇親寶貝情人呀!

心理測驗, 情敵, 競爭力

揀B(蝴蝶、花草類)– 競爭力:60

你個性偏向感性、浪漫,做事較隨性隨心,你唔想做嘅事,無人可以迫到你,如果你真係好著緊個對象,你會好率真咁表達同流露自己嘅情感,唔會扭扭擰擰、收收埋埋,你覺得公平競爭係自然嘅事。

心理測驗, 情敵, 競爭力

揀C(宗教符號類)– 競爭力:40

你平時睇落斯斯文文、無乜所謂,但係如果你認定被爭逐嘅情人就係你嘅終極理想時,你可以為咗佢而不顧一切咁去爭取,仲可以做到不動聲息,唔俾對手發現添!不過建議你同可信任嘅人分享多啲,唔好收收埋埋,俾自己鑽咗牛角尖。

心理測驗, 情敵, 競爭力

揀D(圖騰類)– 競爭力:20

你份人好講義氣,不拘小節,習慣為人設想,就算喺感情上遇到對手,你都未必會好積極咁去爭,寧願將心事同感覺埋喺心底,默默咁付出,做好自己。你相信世事要講緣份、順天意,不過無論點都好,大前提係要保護自己,唔好俾自己受到無謂嘅傷害呀!

<< 閱讀更多 >>

▲ 心理測驗:在愛情裏,你能同甘共苦嗎?http://mycg.hk/1VSGUuq

▲ 由女生話事嘅3大好處!http://mycg.hk/1WoQrtS

LOAD MORE