抹茶迷必去!中村藤吉期間限定店+尖沙咀新店

by Tina Chong,edited by韋寶

抹茶迷有福了!中村藤吉將會喺2016年4月10日至5月15日期間喺金鐘開設期間限定店,到時仲會有首次以外帶形式發售嘅啫喱添,好期待呀 ! 

中村藤吉, 中村藤吉香港, 抹茶, 綠茶, 期間限定

中村藤吉, 中村藤吉香港, 抹茶, 綠茶, 期間限定

位於太古廣場嘅期間限定店將會發售8款現泡嘅日本茶,例如:高級玉露茶(港幣33元)、混合茶葉及莖梗嘅煎茶(港幣28元)、煎茶莖茶(港幣28元),以及混合咗7款茶葉嘅招牌中村茶(港幣28元)等等。而第一次以外帶形式發售嘅抹茶啫喱(港幣45元)同焙茶啫喱(港幣45元),會配以店家自家製嘅紅豆蓉同白玉丸子啊 ! 

中村藤吉, 中村藤吉香港, 抹茶, 綠茶, 期間限定

除咗外帶啫喱之外,期間限定店仲會推出新產品,包括濃茶伯特朱古力(港幣168元)同焙茶伯特朱古力(港幣168元)。充滿茶香嘅朱古力,配埋棉花糖、杏仁同核桃,一定好有咬口!

中村藤吉, 中村藤吉香港, 抹茶, 綠茶, 期間限定中村藤吉, 中村藤吉香港, 抹茶, 綠茶, 期間限定中村藤吉, 中村藤吉香港, 抹茶, 綠茶, 期間限定

仲有仲有,位於美麗華商場Miramall嘅分店中村藤吉香港店NEXT將會喺2016年4月18日正式開業,新分店同總店嘅分別,係會採用外賣模式,而且新店仲會推出全新嘅抹茶味、焙茶味及抹茶焙茶扭紋雪糕(每款售價為港幣53元),每款都會配上店家自家製嘅紅豆蓉同白玉丸子架。


中村藤吉, 中村藤吉香港, 抹茶, 綠茶, 期間限定
此外,仲有加上抹茶軟雪糕嘅凍甜綠茶浮冰(港幣41元)。

同太古廣場期間限定店一樣,呢度都有每杯由港幣28元起嘅現泡日本茶,仲可以買到濃茶伯特朱古力、焙茶伯特朱古力(每盒港幣168 元出售)啊,中村藤吉嘅粉絲們要留意啦!

店舖資料:
 
太古廣場期間限定店
金鐘太古廣場一樓
2016 年4月10日(星期日)至2016年5月15日(星期日)
營業時間為每天早上10時半至晚上8時
 
中村藤吉香港店NEXT
尖沙咀彌敦道118號美麗華商場Miramall地下G06號鋪
2016年4月18日開業
營業時間為每天早上11時至晚上10時
LOAD MORE