好寫實!《Zootopia》7個共鳴位

by 韋寶

電影《優獸大都會》(《Zootopia》)入面,除咗動物嘅造型得意又搞鬼,以及笑料百出之外,其實電影中所刻劃嘅,有好多都係你我都經歷過嘅事,除咗有共鳴,有啲地方仲好值得我哋深思架!
 
Zootopia,優獸大都會,Zootopia影評,Zootopia電影,優獸大都會影評,優獸大都會電影,優獸大都會好唔好睇,優獸大都會講咩,電影 好睇,推介,推薦
 
故事內容:
 
兔仔Judy細個嗰時曾經被狐狸抓傷,因為呢個陰影,長大後對狐狸都有戒心。呢個從佢本身唔諗住帶用嚟對付狐狸嘅噴霧喺身,但最後都選擇帶喺身上可見。
 
共鳴位1:
 
無錯,好多過往唔開心/令我哋受過傷害嘅事,都會為我哋帶嚟陰影,而呢啲陰影,往往好容易令我哋錯失幸福。而好多時,我哋仲習慣收埋唔開心嘅事,仲以為自己已經overcome到。
 
以小編為例,就曾經喺愛情上受過傷,所以唔願意再相信愛情,幸好遇上而家嘅老公,先一步一步忘記以前嘅陰影。過程中自己要付出勇氣,面對、付出同坦白告之對方自己嘅感受同難處(當然唔可以因為咁而成為你發脾氣/唔付出嘅藉口),經過一段時間先至擺脫到過去嘅陰影,唔係一朝一夕嘅事啊。
 
時間係可以沖淡一切,但要付出努力的啊!=p


Zootopia,優獸大都會,Zootopia影評,Zootopia電影,優獸大都會影評,優獸大都會電影,優獸大都會好唔好睇,優獸大都會講咩,電影 好睇,推介,推薦
 
故事內容:
 
狐狸Nick原本有夢想,而且仲好善良,但因為被「朋友們」傷害過,所以變得狡猾。目的係唔想再俾其他動物「蝦」,而且佢諗法係 : 「既然佢哋覺得我係咁嘅,咁我咪咁囉」。
 
共鳴位2:
 
有好多人,因為受過傷而築起一道牆 ,甚至變成另外一個人。每個人或多或少,都會因為想保護自己,而唔表露自己嘅真性情吧。不過好似狐狸Nick咁,佢同兔仔Judy經過一輪相處,就將自己嘅「裝甲」卸除,講出自己嘅心事,回復原本嘅個性。


Zootopia,優獸大都會,Zootopia影評,Zootopia電影,優獸大都會影評,優獸大都會電影,優獸大都會好唔好睇,優獸大都會講咩,電影 好睇,推介,推薦
 
故事內容:
 
兔仔Judy唔小心傷害朋友狐狸Nick,差啲無咗個朋友,不過佢真心知錯、認錯,努力補救,終獲Nick原諒。
 
共鳴位3:
 
我哋總會試過唔小心傷害咗別人吧,但你會選擇逃避,定係好似Judy咁誠心向對方認錯,努力補究?


Zootopia,優獸大都會,Zootopia影評,Zootopia電影,優獸大都會影評,優獸大都會電影,優獸大都會好唔好睇,優獸大都會講咩,電影 好睇,推介,推薦
 
故事內容:
 
兔仔Judy追尋夢想時,有好多反對嘅聲音,尤其係佢嘅父母,「邊有兔仔做警察架,兔仔係種紅蘿蔔架嘛。」「你做交通警,真係交通警呀 ? 太好喇唔係真正嘅警探呀。」
 
共鳴位4:
 
我哋追尋夢想嘅時候,反對聲音最大嘅,好可能係我哋最親近嘅人。因為佢哋站喺「穩陣」同擔心你嘅立場,出發點都係想你好,唔好怪責佢哋。無論你最後決定追夢與否,都要知道任何事都有成功同失敗嘅機會,而且要諗定失敗之後嘅打算。


Zootopia,優獸大都會,Zootopia影評,Zootopia電影,優獸大都會影評,優獸大都會電影,優獸大都會好唔好睇,優獸大都會講咩,電影 好睇,推介,推薦
 
故事內容:
 
兔仔Judy因為警隊頭目嘅偏見,所以被獲派做交通警,令一心以為自己可以夢想成真嘅Judy受挫。
 
共鳴位5:
 
你可能都因為某啲原因/偏見而不被重用,感到懷才不遇。唔好氣餒,好似Judy咁盡咗自己嘅能力,對得住自己就ok,唔好俾太大壓力自己。如果自覺已經做到最好,都係不獲賞識,就要好好諗下是否需要轉工了。
 
不過有一點想溫馨提示一下=p,如果你工作經驗淺(甚至未有工作經驗),工作由低做起係正常不過嘅事,你開頭被分發所做嘅,好可能係你眼中「好無聊」嘅嘢,仲會諗「點解要我做呢啲嘢」。其實咁諗只會令你唔開心,你倒不如好好做,當小事可以做好,老闆對你有信任,自然有機會交托重任俾你。
 
試諗下,如果你係老闆/上司,眼見下屬小事都做唔好/揀嘢做,你仲會唔會想俾機會呢個人?
 
另一件事係,我哋一直追尋嘅夢想,做起嚟未必好似你想像中咁,因為我哋會美化咗/諗得簡單咗,所以追夢之前,記得好好了解嗰件事係點,中間會遇到乜嘢困難,諗清楚自己有幾大決心,了解現實係咪真係你諗嗰回事。=)


Zootopia,優獸大都會,Zootopia影評,Zootopia電影,優獸大都會影評,優獸大都會電影,優獸大都會好唔好睇,優獸大都會講咩,電影 好睇,推介,推薦
 
故事內容:
 
因為兔仔Judy嘅勇於嘗試,影響咗原本唔會同狐狸合作嘅父母,最後同以前抓傷過Judy嘅狐狸合作。
 
共鳴位6:

人同人係互相影響嘅,我哋所做嘅決定,都有機會影響其他人所作嘅決定。
 
好似小編有位朋友,因為見到朋友去完working holiday 返嚟後嘅轉變,最後就走出comfort zone,展開佢自己嘅working holiday。


Zootopia,優獸大都會,Zootopia影評,Zootopia電影,優獸大都會影評,優獸大都會電影,優獸大都會好唔好睇,優獸大都會講咩,電影 好睇,推介,推薦
 
故事內容:

如果狐狸Nick係披住狐皮嘅羊,咁秘書小姐就係披住羊皮嘅狼。
 
共鳴位7:
 
「害人之心不可有,但防人之心不可無」,老掉牙嘅話,卻係至理名言。尤其喺職場上,切忌太輕易相信人。唔係話職場一定無朋友,不過赤裸裸嘅心底話,最好都係留返同好朋友講。

咁到底職場有朋友嗎  ?  你又應該點做 ? 詳情可以參考 : 職場係咪真係無朋友?

圖片來源 : 電影《Zootopia》劇照
 
LOAD MORE