發現男友愛偷拍……

By COSMO

男女關係, 婚前考慮, 婚姻

Dear Miss Sex,

我同男友都係二十頭,拍拖四年,雖然間唔中有吵架,但關係仍然好甜蜜。個個朋友家人都話佢係好男友,因為對我好好。

點知近排有一日,我用佢電腦發現佢原來影咗幾十張街上面女仔露腳嘅相,只有腳,無樣,都無走光。我問佢,原來佢係見論壇有人咁做;另外佢開始返第一份full time嘅工作,覺得壓力好大,所以用電話download咗用嚟偷影嘅相機app去影人對腳,話追求刺激。佢話啲相影完都無再睇過。佢應承我之後唔會再做。

但我好lost,究竟我應唔應該俾機會佢改過?俾機會佢,真係會改到?同埋我好擔心係心理病,其實需唔需要睇醫生?其實咁做叫唔叫變態?我其實好驚,又怕同家人朋友分享,自己唯有不斷胡思亂想,唔知點算。

我哋係以結婚為前提拍拖架,而家仲可唔可以當佢係結婚對象?佢話佢從來都無因為做完呢啲事,減少過對我的愛同付出。但我未咁快能夠忘記同接受。其實我應該大事化小,定係覺得事態嚴重?我真係好錯愕……

Tiara

男女關係, 婚前考慮, 婚姻

Dear Temptress Tiara,

名作家王爾德有句名言:「婚姻的魅力在於夫妻兩人不得不活在謊言中。」(The one charm of marriage is that it makes a life of deception absolutely necessary for both parties.)意思是說一對男女要長長久久,必須互相呃呃騙騙,結婚前,最好先作好對方有不能說的秘密的準備。

對Miss Sex來說,身邊那位看哪類鹹片、有哪些性幻想或有沒有跟其他異性flirt,都可以裝作不知道,準確點說是明知自己可能感到冒犯,也寧願知得不那麼清楚而選擇接受對方,不企圖改變他。

不過你男友的情況,就有點擲界,以Miss Sex尺度,未至於性變態,但未經對方同意而偷影,雖不是裙底照,卻有可能超出法律容許的行為範疇;而且我相信,大部分男人即使好色,也不會這樣付諸實行去偷影和收藏陌生女子的玉腿照。

Miss Sex認為目前最保守的做法,是相信對方真的因為工作壓力大才選擇這種方式去減壓,去逃避,作為女友,儘管提出找專業人士幫忙,看看有沒有紓緩呢種心理壓力而合乎常理的方法。

然後靜心觀察,這個人是否誠心為你改過?萬一故態復萌,你接受到嗎?

你還年輕,應有足夠勇氣去作出抉擇。

Love,

Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE