編輯分享:飄眉初體驗!不再是「無眉娘」

by Karen C.

相信只有同我一樣係「無眉娘」嘅朋友,先會明白無眉嘅心情,尤其係素顏時會顯得勁無精神,所以每朝都要花好多時間處理眉妝,但自己本身又唔係好識畫眉,有時趕時間仲會畫得唔對稱添!

所以,一直心思思想做飄眉,雖然顏色唔係永久保存,但話晒都會維持一年半載,所以我都非常小心去揀飄眉師,後來得知化妝師maysum都有幫人做飄眉,就二話不說要搵佢幫我喇! maysum有十多年化妝經驗,見過無數嘅眉毛,會識得因應面形去畫眉及設計眉形,所以我覺得係有信心保證嘅!

相信大家對飄眉都存有好多疑問,可以先重溫:飄眉前你會想知的11個問題!

第一次飄眉,心情難免緊張,maysum事先會好詳細講解一次飄眉過程、飄眉後最壞嘅情況及事後護理,等我可以做足心理準備。

先睇睇我本身嘅眉毛:

飄眉, 編輯分享, 修眉

有啲稀疏,左右唔太對稱,眉頭較短,眉尾下垂。

飄眉, 編輯分享, 修眉

開始之先,maysum會同我溝通好想要點樣嘅眉形及顏色,之後開始幫我畫眉,設計好眉形,畫到我覺得滿意,對準兩邊眉係對稱,先會開始飄眉。(上圖左邊係畫好嘅眉。)

飄眉, 編輯分享, 修眉

然後搽上止痛膏,敷一陣,maysum就會用手工刀喺眉上試一試,睇吓我痛唔痛,有無大感覺,佢會確保我唔痛先會開始飄眉。

過程中無乜太大嘅感覺,當飄到咁上下,maysum就會影相再望望,睇吓邊啲位置要再補,同埋睇吓兩邊眉對唔對稱,好細心,務求做到一絲不苟!

>>

完成後嘅before/after對比圖:

飄眉, 編輯分享, 修眉飄眉, 編輯分享, 修眉

效果好自然,完全唔會覺得好假或「小虎眉」!

完成飄眉後,喺甩晒焦之前,雙眉係唔可以濕水嘅,而由第三日開始,就要每日影相send俾maysum睇,佢會日日睇住我雙眉嘅甩焦情況,我去到第七日就完全甩晒焦,可以洗返面(即眉毛可濕水)同化眉妝啦!與此同時,maysum已經約我一個月內去補色,因為我係混合性皮膚,容易出油,所以一定會有甩色嘅情況。

由於上一次我比較緊張,驚效果唔知係點,所以同一般人一樣,要求飄幼啲同唔好飄咁長,但後來朋友建議我條眉長少少會好睇啲,所以補眉嘅時候,我要求飄返粗同長少少,感覺更加襯我嘅面形。

>>

補眉後:

飄眉, 編輯分享, 修眉

自從飄完眉後,真係有「身心舒暢」嘅感覺,因為朝早慳返起碼5-10分鐘畫眉時間,素顏時個樣又無咁頹,真係好方便!

最後,一次過對比返飄眉前、第一次飄眉及補眉嘅效果:

飄眉, 編輯分享, 修眉

飄眉, 編輯分享, 修眉

飄眉, 編輯分享, 修眉

如果對飄眉有興趣嘅話,可以上maysum嘅Facebook專頁查詢呀!
網址:https://www.facebook.com/maysumofficial/

LOAD MORE